Pireas (stad)
(Doorverweze van Piraeus (stad))
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Pireas (Grieks: Πειραιάς, Pireás, spreek oet: Pieree-aas) is 'n stad en haveplaots in Griekeland, die daoneve ouch nog de hoofstad is vaan 't Attikaons departemint Pireas. Allewijl weurt Pireas gezeen es 'n bijstedsje vaan Athene, evels vèlt 't neet oonder 't Metropole vaan Athene. De stad had in 2001 175.697 inwoeners. Pireas is bekind um häöre liew, dee es beeld bij de have vaan de stad steit. Heidoor woort Pireas in de middeliewe door de res vaan Europa ouch dèks Porto Leone geneump, of op 't Grieks Limáni ton Leónton. Umtot Pireas 'n oppervlaak heet vaan 10,865 veerkante kilometer, is de bevolkingsdiechheid 16.171/km².