Pieter Post

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Pieter Post (Haarlem, geduip 1 mei 1608 - D'n Haag, begraove 8 mei 1669) waor 'ne Nederlandsen arsjitek en sjèlder, same mèt Philip Vingboons en Arent van 's-Gravesande tot de meisters vaan 't Hollands classicisme gerekend. Inderdaod waore zien mieste opdrachgevers Hollandse stadsbesture, meh heer waor ouch boete dat gewes aon 't werk. In 1645 woort heer d'n hoofarsjitek vaan stadhawwer Frederik Hendrik en Amalia van Solms. 't Raodhoes vaan Mestreech wat heer oontworp gelt es e huugdepunt in zie werk.

Leve

Post waor de zoon vaan 'ne Leise glaozemeker en begós zien carrièr es kunssjèlder, wie zie jonger broor Frans. Nao 'n aontal jaor werk es sjèlder in Roeme, kaom heer in deens bij Jacob van Campen en deeg 'r mèt aon de projekte vaan 't Mauritshoes, 't hoes vaan Constantijn Huygens en de Sint-Sebastiaansdoele, alledrei in D'n Haag. Nao 't hiemele vaan Van Campen kraog Pieter Post ummer mie eige opdrachte. Zienen invlood op Van Campen zie werk is oonderwerp vaan discussie meh kin aonzeenlek zien.

Post wèrkde mesjiens es bouwopziechter of teikeneer aon 't paleis in Honselersdijk - 't mies ambitieus vaan alle paleize vaan de Oranjes - en 't Huis ter Nieuburch in Rijswijk. Sommege sjrievers stèlle tot Post ouch in Braziel is gewees, wie zie broor Frans. Heer zouw dao 'n oontwerp veur Mauritsstad höbbe gelieverd.

In 1651 brach Post ach gravure oet veur de begraffenis vaan stadhawwer Frederik Hendrik. Cornelis Ryckwaert waor 'ne lierling en mètwèrker vaan häöm. De dochter vaan Post trojde mèt Frederik Ruysch, 'nen Amsterdamse bioloog.

Werk

1642 - Hoes Dedel (D'n Haag)
1643 - Hoes Prinsengracht 4 (D'n Haag)
1643 - 1649 Boeteplaots Vredenburgh in de Beemster (Noord-Holland)
1645 - 1650 Huis ten Bosch (D'n Haag)
1645 - 1648 Hoes Zwanenburg (Halfweg, gemeinte Haarlemmerliede en Spaarnwoude, Noord-Holland)
1647 - 1667 De Ooskèrk in Middelburg (pleetsje)
1649 - Bekroening Wittevrouwepoort in Utrech
1649 - 1653 Hoes De Onbeschaamde (Dordrech)
1652 - 1657 Staote vaan Holland (D'n Haag), noe vergaderzaol vaan de Ierste Kamer, in opdrach vaan Johan de Witt
1655 - Johan de Witthoes (D'n Haag)
1657 - 1658 Waag en Boterhoes (Leiden)
1659 - 1662 Polferhoes (Delft)
1659 - 1664 't Raodhoes vaan Mestreech (pleetsje)
1660 - Heufke vaan Nieuwkoop (D'n Haag)
1661 - 1662 Toriedeil vaan de Lambertuskèrk in Buren (gemeinte Buren, Gelderland) (pleetsje)
1662 - 1665 Kestiel Heeze (Heeze, gemeinte Heeze-Leende, Noord-Braobant)
1663 - 1666 De Zwanenbörg in Kleef
1663 - Kèrk vaan Stompetoren (gemeinte Schermer, Noord-Holland)
1668 - Kieswaag in Gouda (pleetsje)

Bron

Dit artikel is vertaold oet 't corresponderend Nederlandstaoleg artikel, en wel in dees versie. Zuug dao veur ieder versies en oteurs.