Oos-Macedonië en Thracië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ανατολική Μακεδονία και Θράκη Oos-Macedonië en Thracië
(Veendel vaan Oos-Macedonië)

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

Oos-Macedonië en Thracië (Grieks: Ανατολική Μακεδονία και Θράκη, Anatoliki Makedonia ke Traki, Bölgaars: Източна Македония и Тракия, Iztogkna Makedonija i Trakija, Törks: Doğu Makedonya ve Trakya) is 'n periferie (vergeliekbaar mèt de regio's in Fraankriek) in Griekeland. 't Is 't ooste vaan 't Griekse Macedonië (vreuger Makednos), neet te verwarre mèt de rippubliek vreuger Joegoslavische Rippubliek Macedonië, dat door de Grieke dèks oet prottes Rippubliek Skopje weurt geneump. Thracië heet evels noets get te make gehad mèt Grieks Macedonië. 't Heet zelfs hiel laank niks mèt de Grieke gehad. 't Waor mie verboonde mèt Albanië, wie 't nog oonder Dracië veel, boe de naom Thracië woersjijnelek vaandan kump.

Geografie

Oos-Macedonië en Thracië heet 'n oppervlak vaan 14.157 km². De ganse zuidkös vaan de regio ligk aon de Egeïsche Zie.

Aongrenzende regio's

Veur e klein gedeilte grens de regio aon "boete-Europees" gebeed, gebeed dat neet oonder de Europese Unie vilt, naomelek Törks gebeed.

• Zuid-Bölgarije, noorde
• Edirne, Törkije (neet-EU) - ooste
• Centraol-Macedonië - weste

Demografie

Volges de census vaan 2011 heet Oos-Macedonië en Thracië 'n inwoeneraontal vaan 608.182, en 'n deechde vaan 43/km². V'r zien daomèt 'n krimp vaan de bevolking, die ziech veural in Centraol-Griekeland begint te vestige. In 2001 goof 't nog zoen 611.067 Oos-Macedoniërs en Thraciërs. De hoofstad is Komotini. De groetste stad is evels Kavála.

Departeminte

De periferie is oonderverdeild in 5 departeminte (nomos):

• Drama Macedonisch
• Evros Thracisch
• Kavala Macedonisch
• Rodopi Thracisch
• Xanthi Thracisch