Manilla

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

Manila

Manilla of Manila is de houfstad van de Filipiene.

De stad ligk op 't eilandj Luzon, ane oaskantj van de 48 kilomaeter lang Baai van Manilla, die oetmundj in de Zuud-Sjinese Ziè. Bie de litste voukstèlling in 2010 talj de stad bao 1,7 miljoen inweuners. De agglomeratie besteit naeve Manilla oet nag 16 anger stej en gemeintes. Hie woane biejein ruum 11,5 miljoen luuj. Dees agglomeratie, Metro Manila, wuèrtj door boetelenjers en neet-inweuners döks ouch Manilla geneump. De eigentlike stad Manilla is de op ein nao grótste stad van 't landj. Allein de veurstad Quezon City haet nag miè inweuners.

Manilla is 't politisch, weitesjappelik en cultureel centrum van de Filipiene. De stad vörmp daonaeve e knouppuntj van infrastructuur en economie en besjik euver mièder universiteite, hoagsjoale, theaters, musea en bezeenswaerdigheje.