Lobberich

Van Wikipedia
(Doorverweze van Lobberik)
Dit artikel is gesjreve in 't Tegels. Ómdat 't plaatsgebónge is, maogs doe 't ómzètte nao 't Lobricker Plott, es te dit dialek sjpriks.


Lobberickse vaan Kaart
Waope van Lobberick Ligking va Lobberick in Nettetal
Basisgegaeves van Lobberick
Bundesland: Nordrhein-Westfalen
Regieringsdistrik: Düsseldorf
Kreis: Kreis Veeëse
Gemeinte: Nettetal
Oppervlak: 17,64 km²
Inweunersj: 13.795 (30 juni 2013)
Bevólkingsdichde: 782 Inweunersj/km² (2013)
Hoeëgte: 47 m. ü. NHN
Poscode: 41334
Nètnummersj: 02153
Officieel website: Website euver Lobberick

Lobberick (Nederlands: Lobberik; Duuts: Lobberich) is 'n sjtadsdeil en dörp in de gemeinte Nettetal, kórt euver de grens. Beej Lobberick hure ouch de kèrne Sassenfeld, Dyck en Bocholt.

Landsjap en netuursjoeën[bewirk | brón bewèrke]

Lobberick ligk in 't daal van 't reveerke de Nette, op 'n hoeëgte van óngevaer 50 meter. In 't daal ligke mierdere wiejers en vingk me brookbösje. Dit daal wuurt ömgaeve daor leech heuvelechtig terrein, det bedèk is mit löss. 't Landsjap is euverwegend agrarisch, mit sjtökke misjbösj. Nao 't zude toe ligke de Süchtelner Höhen, 'ne sjtuwwal, dae tot 90 meter hoeëg is.

Gesjiedenis[bewirk | brón bewèrke]

Lobberick woort veur 't ieërs in 988 es "Lubbruch" vermèld. In 1802 begós heej de textielindustrie (veural fluweel en ziede) en in 1880 woort d'n ieërste mechanische waefsjtool in gebroek genaome. Wies in de jaore '70 wèrkde heej nog vuul arbeiders in dees industrie en waor de plaats waereldwied bekènd vanwaege de fluweel- en ziedeproductie, mer kórt d'r nao góng 't hel achteroét. In d'n Twieëde Waereldaorlog waor in Lobberick de Luftwaffe gevèstig. Op 2 mieërt 1945 woort 't bezèt daor Amerikaanse troepe es óngerdeil van Operatie Grenade. Nao d'b Twieëde Waereldaorlog woort de metaalindustrie belangrieker, waorónger sanitair en carburateurs. Ouch woorte heej modelsjpaorbane geproduceerd.

Lobberick kreeg in 1964 sjtadsrechte, mer zès jaore laoter woort de gemeinte ópgegaeve en samegeveug mit Kaldekerke, Breyell, Hinsbeck en Leuth tot de niej gemeinte Nettetal. Dees niej gemeinte kreeg de sjtadssjtatus.

Bezeenswaardighede[bewirk | brón bewèrke]

De Sint-Sebastiaanskèrk
  • Sint-Sebastiaankèrk, van 1893 (zie is de dreej nao groeëtste kèrk van 't bisdom Aoke)
  • Sint-Jozefkèrk (1450-1470, 1642, 1818)
  • Kesjtieël Bocholt
  • Kesjtieël Ingenhoven
  • Watertaore
  • Diverse häöf, waegkruus, kapelkes
  • 't Marienhospital mit kapel

Trivia[bewirk | brón bewèrke]

De luuj van de ömliggende gemeintes vónge dat de Lobberickers zich verhaeve veulde. Heejveur gebroekde me de tèrm "Lobbericker Wenk". D'n oersjprung heejvan loog in de tied dat Lobberick economisch welvarender waar es de ömliggende gemeintes.

De luuj van Lobberick wure dök ouch "Wenkbülle" geneump, wie de luuj van Haerle. De Lobberickers zeen dit aevels neet es ein beleidiging.

Naobeejgelaege kèrne[bewirk | brón bewèrke]

Leuth, Hinsbeck, Söktele (gemeinte: Vieërse), Dülken (gemeinte: Vieërse), Boisheim (gemeinte: Vieërse), Breyell.

Zöstersjtaej[bewirk | brón bewèrke]

Externe links[bewirk | brón bewèrke]

Referenties[bewirk | brón bewèrke]

Dit artikel baseert zich op 't corresponderende artikel op de Duutsje en de Nederlandse Wikipedia.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lobberich&oldid=461536"