Limburgse Successieaorlog

Van Wikipedia
(Doorverweze van Limburgse Successieoorlog)

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


De Limburgse Successieaorlog waas 'n serie van conflicte tösje Brabant en Gelre die plaatsjvónje tösje 1283 en 1288.

De aanleiding veur de Limburgse successieaorlog waas 't euverlieje in 1280 van zoawaal hertog Walram IV van 't Hertogdóm Limburg, 'ne broor van Adolf IV van Berg, es ouch zien dochter Irmgard van Limburg in 1283. Walram IV hèj gein mannelike naokómmelinge en ouch zien dochter hèj gein naokómmelinge. De hertog Jan I van Brabant maakde na de doad van Irmgard van Limburg (1282) aansjpraak op 't Hertogdom Limburg óm oetbreiding van Gelre zoa völ meugelik taenge te gaon. In 1283 kaom 't tot ein gevech tösje Gelre en Brabant.

Aan de sjtried woort deilgenómme door, 't Graafsjap Gelre, 't Graafsjap Luxemburg en 't Keur-Kölle aan de eine kantj en 't Hertogdóm Brabant, 't Graafsjap Loon van Arnold V en de Vrieje Riekssjtadt Kölle aan de angere kantj.

Nao de Sjlaag bie Woeringe in 1288, dae ’t eindj van de Limburgse Successieaorlog zouw zeen en woort gewónne door hertog Jan I van Brabant, kaom 't Hertogdóm Limburg in 't bezit van de hertog van Brabant.

Brón[bewirk | brón bewèrke]