Bekiek brón van Laozi

{{dialek|Norbiks}}
[[Plaetje:Konfuzius-laozi.jpg|thumb|500px|[[Confucius]] bezeukt Laozi]]
'''Laozi '''of '''Lao Tzu''' ([[604 v.Chr.]] - [[507 v.Chr.]]) ([[jiaxiang]]: [[Henan]], [[Zhoukou]], [[Lüyi]] 河南省周口市鹿邑县) waor 'ne [[China|Chinese]] [[filosoof]] oet d'r 6e ieëw vör Christus en me nèmt aan dat e d'r sjtichter is van 't [[tao|taoïsme]].

Laozi's achternaam waor [[Li (李)|Li]] 李 en ziene naam waor Er 耳. "Laozi" betekent "odste zoon", dat keumt warsjienglek ömdat e zie gaans laeve wit haor how.

't Verhaol vertèlt dat Laozi ènige tied es filosoof roondtrók, mae dat nieëmes nao zieng woerheed wól loestere. Oeteindelek goof e 't óp de luuj goje raod te gaeve en besjlaoët de besjaafde waelt, in dit geval China, te verlaote. An de westgrens kieëm Laozi evvel 'ne paoërtwachter taege, dae 'm wis te övertuge öm zieng ideje in alle geval óp te sjrieve. 't Zów tóch zung zieë es die verlaore gónge. Laozi sjraef hieóp d'r [[Tao Te Ching]].

't An Laozi toegesjraeve waerk, d'r Tao Te Ching (''Book van Waeg en Deugd''), is 'n verzameling van 81 kórte Chinese tekste die handele över good [[leidersjap]]. 't Is evvel warsjienglek dat d'r Tao Te Ching neet dör ene auteur gesjraeve is, mae dat 't 'n verzameling wieshede is. Gelieërde datere 't waerk oet d'r twiede ieëw vör Christus.
==Bekaande quotes==
*"D'r bètste leider is dae, oeëvan me gaar neet merkt dat e besjteet, d'r twiedbètste dae, dae gepriesd en geieërd wert, d'r driejd bètste dae oeë me bang vör is en d'r sjlechste is dae, dae me haat. Es 't waerk van d'r bètste leider gedoeë is, zage de luuj: "Dat haant v'r èges gedoeë!" - Kapitel 17
*"De educatie zoonder waoërt, de waeërd van 't neet-handele bereike mer wènnig luuj óp de waelt." - Kapitel 43
{{Commonscat|Laozi}}

[[Categorie:Filosofe]]
[[Categorie:Geiselik leiders]]
[[Categorie:Persoene oet Chinese audheid]]
[[Categorie:Persoene oet taoïsme]]