Sjeng de Belsj
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Sjeng de Belsj is 't pseudoniem vaan Jean Paulussen, bekind vaan Mestreechse leedjes.
Jean Paulussen is gebore in Laoneke, Belsj. Vaanaof zien tiende späölde heer al trèkzak. Mèt dat instrument studeerde heer aon de muzieksjaol in Mestreech en in Hoensbroek.
Jean Paulussen kaom oet Belsj, mèh zong in 't Mestreechs, vaandao ouch z'nen artiestenaom "Sjeng de Belsj". De tekste vaan de leedjes vaan z'n lèste cd zien gesjreve door Johnny Blenco. De meziek is vaan Sjeng zelvers. Bekind woort heer veural mèt de nummers "es iech in dien auge kiek", "de polonaise trein" en "de leefs mer eine kier"'
Jean Paulussen is gestorve op 17 oktober 2016. Heer leet 'n vrów en 4 zäöns achter.