Integraalraekening

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

De oppervlakdje van S is d'n integraal van f(x) tösse de curve y = f(x) en de x-as in 't interval [a, b].

Integraalraekening is 'n óngerdeil van de wiskónde, biezunjert van de analyse. Me gebroek hie-in integrale veur 't beraekene van totale, wie de totaal oppervlakdje ónger 'n grafiek, de totaal verangering van 'n gegaeve groatheid es veur eder memènt de verangering de tiedseinheid is gegaeve of 't beraekene van de massa van e veurwirp es de dichheid op eder puntj is gegaeve.

In 't einveljigste intuïtief geval beraekentj me mit 'ne bepaoldjen integraal van 'n functie de oppervlakdje begrens door de grafiek van de functie en de horizontaal coördinaatas, tösse twiè verticaal liene. d'n Integraal van 'n functie f euver 'nen interval $[a,b]$ wuèrtj genoteerdj es:

$\int _{a}^{b}f(x)\,{\rm {d}}x$

't Rizzeltaot is de oppervlakdje S ónger de grafiek.

Integraalraekening en differentiaalraekening waere same waal ómsjreve es hoager wiskónde.

Zuuch ouch

• Infinitesimaalraekening