Internet Message Access Protocol
(Doorverweze van IMAP4)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
IMAP (Internet Message Access Protocol) is 'n protokol veur 't benadere vaan e-mail op 'ne mailserver. Inmiddels is versie 4 in gebruuk. Bij IMAP steit d'n e-mail in mappe op de mailserver. 't Protokol is väöl komplekser es POP3, mèh heet 'n aontal veurdeile:
- Mierdere clients kinne tegeliek dezelfde mailbox benadere
- POP3 geit oet van eine client dee verboonde is met de mailbox. Bijj IMAP zien veurzieninge getróffe um veranderinge dee eine client heet gemaak aon aander clients door te geven.
- Touwgaank tot MIME deile en de kins deile van e-mail ophole (partial fetch);
- Dèks besteit 'ne e-mail oet mierdere deile (teks plus attachments). De attachments kinste mèt IMAP apaart ophole.
- Beriechte status informatie weurt op de server opgeslage
- Status informatie wie vlagge um aon te geven of 'ne reply versjik is, of dat d'n e-mail is doorgesjik (forward) weure op de server bewaort. Es aandere clients op aander tiedstippe de mailbox benadere kriege ze de status informatie ouch te zien.
- Mierdere mailboxen op de server
- Dit maak 't meugelek um beriechte vaan eine mailbox te verplaotse nao 'ne aandere mailbox
- Zeuken aon de server-kant
- Zeuke in beriechte vint plaots op de server. De client hoof daan dus neet iers alle beriechte op te hole.
De naodeile tegeneuver POP3 zien:
- het protokol is väöl komplekser en dus ouch meujeleker um in 'n computer programma op te numme. Dit kin zörrege veur beveiligings probleme die bijj POP3 nauweleks veurkómme.
- umtot de mailserver väöl mier belas weurt es bijj POP3, zörreg dit veur ekstra kóste bij d'n ISP en dus bijj d'n eindgebruker
- zeuke in hiel groete mailboxen kin de mailserver erreg belaste.
Extern linke
[bewirk | brón bewèrke]RFC3501 Specifikatie van IMAP versie 4 revisie 1