Bekiek brón van Héraut

{{Dialek|Mestreechs}}
[[Plaetje:Ströhl_Heraldischer_Atlas_t01_3.jpg|thumb|Héraute vaan de [[14e iew|14e]] bis [[17e iew|17en iew]] volges [[historicus]] [[Hugo Gerard Ströhls]] ([[1899]])]] D'n '''héraut''' (ouch: '''heraut''', '''herald''' of '''herold''')<ref>Spreek op 't [[Nederlands]] oet wie ''heer-óút'' en op 't [[Frans]] wie ''heer-óó''.</ref> is e [[historie|historische]] functie in [[Europa]], vaan de vreuge [[Middeliewe]] bis de [[Vreugmodernen tied]]. D'n héraut waor 'nen aonkoondeger en 'nen opziechter vaan, oonder aandere, [[nuits]] wat vaanoet 't [[keuning]]shoes kaom of vaan [[middeliewe|middeliewse]] [[konkoer]]s en [[toernooi]]e. Oersprunkelek waore héraute oongewaopend, oonsjenbaar en vrij vaan [[belesting]].

[[Heraldiek]] is verneump nao d'n herald.

== Functie vaan d'n héraut in de Middeliewe ==
Vaanaof 't begin vaan d'n [[daartienden iew]] woorte héraute ingesjakeld es verantweurdeleke veur 't organisere vaan [[konkoer]]s en [[toernooi]]e. Ze gónge daonao de dörper en/of stei in um 't nuits bekind te make.

In [[oorlog]]stied woorte héraute gebruuk um de oorlog te verklaore en um vrei te slete. Zie mooste ouch de eis tot euvergave euverbringe en, vica versa, de boodsjap vaan euvergave euverbringe. Ouch waore zie nao de [[veldslaag]] verantweurdelek veur 't opmake, identificere en begrave vaan gesneuvelde aon bei kante. Ouch reigelde de héraute de betaoling vaan 't [[saldo]] vaan 't [[loskoupe]] vaan de geoontveurde. 't Is dus klaor boerum d'n héraut in de meiste culture in [[Europa]] es oonsjenbaor woort gezien: heer woort geach partijloes te zien en waor, es d'n tössepersoen vaan vijandeleke partije, vaan groet belaank veur ederein.

== Opkoms vaan media en oondergaank vaan d'n héraut ==
Väöl historici besjrieve d'n héraut es d'n ierste vörm vaan [[media]] en [[kommenekatie]]. 't Is daan ouch neet veur niks tot d'n héraut zien praktische beteikenis verloor mèt de opkoms vaan [[massamedia]] in de laten [[18e iew]] en de vreuge [[19e iew]]. 

Ierstes verloor heer zien functie es kommenekatiemiddel mèt de opkoms vaan professioneel [[breef]]verkier en, nog later, de [[technologie|technologische]] oontwikkelinge roontelum oetvindinge wie d'n [[tèllefoon]] en d'n [[trein]]. 

Twiedes verloor heer zien monopolie op 't nao boete bringe vaan [[polletiek]] oontwikkelinge wie die functie ummertouw mie woort euvergenomme door oonaofhaankeleke [[massamedia]] (zoewie [[gezèt]]te). Mèt de opkoms vaan [[journalistiek|journaliste]] die, in tegendeil tot d'n héraut, gans en al oonaofhaankelek waore vaan welk polletiek instituut daan ouch, begos ouch get op te komme wat me later de [[peblieke sfeer]] zou neume: journalistieke media die, es oonaofhaankeleken observant, vaan groet belang woort veur peblieke discussies en daomèt de opkoms vaan 'n kritische [[democratie|democratische]] cultuur. Neet veur niks woort d'n héraut in [[Fraankriek]] aofgesjaf tijes de [[Franse Rivvelutie]], umtot heer te väöl woort gezien es e symbool vaan 't [[Ancien Régime]].

== Allewijl ==
D'n héraut is neet gans eweg. Heer duik nog dèks op in Europa bij hoegs symbolische gelegeheie. Veural in situaties roontelum de [[edel]] en [[keuning]]sfemilies heet d'n héraut nog altied 'n belaangriek functie es symbool veur 'n ieweawwe treditie. Heer maak allewijl nog ummertouw de arrivering vaan de Keuningsfemilie in 'n bepaolde plaots bekind in 't [[Vereineg Keuninkriek]]. In [[Nederland]] goof 't ouch versjèllende hérauts bij de [[kroening]] vaan [[Willem-Alexander vaan de Nederlen]] in [[2013]].

<gallery>
Image:Ströhl-HA-Preußische_Herolde.png|Héraute oet [[Pruusje]]
|
Image:Herald_Gelre_of_the_Duke_of_Gueldres.jpg|'nen Héraut oet [[Gelre]]
</gallery>

== Rifferenties ==
* Brónne: De Ingelstaolege en Néerlandstaolege Wikipedia-artikele genaomp ''Herold'' en ''Heraut''

[[Categorie:Communicatie]]
[[Categorie:Historie van Europa]]
[[Categorie:Media]]
[[Categorie:Oorloge in Europa]]