Hertogdom Brabant

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Kaart vaan 't Hertogdom Brabant

't Hertogdom Brabant is 'ne hertogdom in de Neêrlen dat vaan 1183 tot 1795 heet bestoon. 't Gebeed strèk ziech oet euver twie lendj naomelek Neêrland en 't Belsj. De topografische name Neêrlandse provins Noord-Brabant en vaan de Belsje provincies Vlaams- en Waals-Brabant gaeve noe nog aon watveur gebeje d'r bie 't awwe hertogdom huurde. Meh ouch de Belsj provins Antwerpe en de sjtad Breusel behuurde tot 't hertogdom.

Naam[bewirk | brón bewèrke]

De naam vaan 't hertogdom kump vaan 't woord braecbant. Breack kump vaan broek=drasland en brant=streek. Brabant beteikent dus draslandstreek.

Historie[bewirk | brón bewèrke]

Slaag bie Worringen

In 1106 krieg Godfried, de graof vaan Leuven, de titel hertog vaan Neder-Lotharinge en Markies vaan Antwerpe. Zoe woort de basis gelag veur 't hertogdom. In 1183 woort 't landgraofsjap Brabant verheve tot hertogdom.

Noa d'n slaag bie Woeringe woar hertog Jan I ouch hertog vaan Limbörg. In 't begin vaan de 14e iew kaom de mach euver 't hertogdom in han vaan de hertog vaan Bourgoonje. Laoter kriege de Habsburgers de mach euver 't gebeed onder Karel V. De Hertog verbleef in Breusel dat 't machcentrum vaan de Nederlen woort. Ouch de stad Antwerpe begós ummertouw belaankriek te weure.

In de tied vaan Philips II van Spanje en de Tachtigjaorige Oorlog kaome Breusel, Mechele en Antwerpe (1585) in han vaan de Spanjaarde. Meh stede es Den Bosch en Breda kaome in Staatse han. En in 1648 vèlt Brabant oeterein in Spaans Brabant en Staats (Holles) Brabant. 't Staats Brabant weurt de provins Noord-Brabant en 't Spaanse Brabant weurt noa de euverhiersing vaan Frankriek en 't Koninkriek der Nerderlen verdeild in de provincies Antwerpe en Zuud-Brabant (nao de taolgrens Vlaams- en Waals-Brabant). De Franse make ouch 'n ind aon 't Hertogdom in 1795 nao de Franse Umwenteling.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hertogdom_Brabant&oldid=368377"