Harleserbaek
(Doorverweze van Harleserbeek)
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Völzer, es te dit dialek sjpriks.
De Harleserbaek (plaatsjelik Harleserbach geneump) is ein ziejbaek van de Selzerbaek.
De baek óntsjprink in de Vielenerbosj, sjtruimp in noord-oastelikke richting en löp aevewiejig mèt de get zudelikker sjtruimende Hermansbaek. De eësjte hónderde maeters loupe ónger 'ne waeg. Vervolges passeert ze ’t buurtsjap Harles wo de baek ziene naam aan ónleënt. Veurdat de baek in de Selzerbaek sjtuimp kruust ze de de Awwe Trichterwaeg van Vaols nao Gulpe. De baek haet gein ziejbaeke.