Groeëten Homo
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Lankers, es te dit dialek sjpriks.
Groeët(en) Homo (Nederlands Grote Homo of Groot(-)Homo) is 'n buurt in de Belsj-Limbörgse gemeinte Dilse-Stokkem. 't Vèlt oonder de deilgemeinte Lanker, meh 't ligk zoeget zès kilometer westelek vaan 't dörp, korter bij As es bij Lanker. De buurt ligk noordelek vaan de steinweeg, dee plaotselek Boslaan weurt geneump, op de Mechelse Hei. Groeëten Homo heet 't karakter vaan e villapark mèt väöl vrijstaonde hoezer.
Historie en etymologie
[bewirk | brón bewèrke]Groeëten-Homo woort in 1840 gestiech door Joseph Haumont, 'ne gepensionneerden opziechter vaan 't Departemint veur Brögke en Weeg. Zie landhoes neumden 'r Groot-Haumont, wat in de volksmoond verbasterde tot Groeëten Homo. Hei-aon daanke ouch 't gebeed Kleinen Homo en de later gebouwde wiek Nujen Homo hunne naom.
In 2021 kaom de plaots kort in 't nuits wie terroris Jürgen Conings hei ziene wage had achtergelaote um zien missie te beginne.