Greunlandzieë
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
De Greunlandzieë (Noors en Daens: Grønlandshavet, Russisch: Гренландское мoре) is 'n deil van de Naordelike Ieszieë tösse Greunland, Spitsberge, Jan Mayen en Iesland en umvat óngevier 1.205.000 km2. Tösse Iesland en Greunland verbindt de Daenemarkstraot de Greunlandzieë mit d'n Atlantischen Oceaan. Soms wuurt zeej ouk geraekend tot dae letsten oceaan, mer gewoeënlik neet. Door driefies is 't naordelik deil van de zieë bald noeëts aop veur 't scheepsverkier. De gemiddelde deepde van de Greunlandzieë is 1.450 maeter.
De wind kump oet 't naorde en bringk kalde lóch mit zich mei. Zelde kump de temperateur baove de 0°. Tösse Spitsberge en Greunland ligk de Straot Fram mit ten naorde daovan de Wandelzieë. Twieë wiechtige plaatse aan de kös zien Ittoqqortoormiit op Greunland en Longyearbyen op Spitsberge.