Gleujlamp

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

'n Aojerwètse gleujlamp.

'n Gleujlamp is 'n brón veur leech. In 'ne zoerstoferme glazere bol wuèrtj 'ne gleujdraod mit lektrikstroum verhits toet 'n hièl hoag temperatuur. Wen de gleujlamp op 'n gesjikdje spanningsbrón wuèrtj aangeslaote geit dore gleujdraod 'ne struim loupe wodoor deze zoa sterk wuèrtj verhits det t'r leech geit oetsjikke.

De gleujdraod besteit oet 't euvergangsmetaal wolfraam det 'n hièl hoag smultjtemperatuur haet. Ómdet wolfraam e lestig te delve en te bewirke metaal is, woorte inne begintied vanne gleujlamp iès anger matterjale gebroeke, wie kaolstof (aafkumstig oet bamboe, zeije of celluloos), of anger metale wie platina en osmium. Lampe mit 'ne kaolstoffe gleujdraod waere nag op besjeie sjaol geperduceerdj veur decoratieve doelènj, mer höbben e hièl slech rendement.