Euverlèk:Utrech (provincie)

Zoe gaw es iech e paar aander artikele veerdeg höb, wèl iech de Nederlandse en Belzje provincies ins oetbrejje. Dees artikele stamme nog oet 2005 (of zelfs 2004, in 't geval vaan NL-Limbörg) en voldoen neet aon de nui standaarde veur kwaliteit en kwantiteit. Iech gaon daan vaan dit artikel 't model make. Steinbach 10 fib 2011 12:05 (CET)

Iech höb nog ummer e probleem mèt de naom vaan dit artikel (en mèt de naom vaan 't artikel euver de stad Utrech):

- 't feit allein al tot de benaoming Utrei zier liegfrequent sjijnt te weure gebruuk (nao 42 jaor in Mestreech Mestreechs mojle nog NOETS gehuurd), is veur miech reie um te zègke tot veer de gebrukeleke vörm Utrech zouwe mote gebruke. Daobij (al ieder gezag in Euverlèk:Utrei (stad)), es zelfs Endepols gewoen Utrech gief...

- iech vin tot hei neet 'ne sjijns zelde, daobij inkel in 't Mestreechs, gebruukde vörm leiend moot zien veur de naom vaan 't artikel. Tot 't verneump weurt in 't artikel is tot dao aon touw, es titel, nein.

Pahles | zègk 't mer 10 fib 2011 15:16 (CET)

Bin 't mèt Pahles eins, iech höb 'Utrei' nog noats gehuèrd en iech höb in Mestreech op sjoal gezete en woon op 11 km aafsjtand van de sjtad. Wat zaet Veldeke Mestreech?--Aelske 10 fib 2011 16:14 (CET)

Wiezoe nog 'ne kier? Iech meinde tot de discussie geslote waor naotot Ortjens 't neet op de minste plaots had aongetroffe: in 't Verhaol vaan eus taol, zuug euverlèk:Utrei (stad). Wèlstiech Flor Aarts ouch dwinge veur dat in 'ne nuien drök te verandere? Nein? Deh, boeveur miech wel daan? Steinbach 10 fib 2011 17:37 (CET)

1. Ortjens heet gezag tot heer meinde tot 't gebruuk woort door Aarts. Dat is neet 'tzelfde es tot heer zeker weit tot 't gebruuk weurt;
2. Is Flor Aarts heileg? Iech zègk neet tot 't neet in 't book steit (iech höb 't book neet, en kin 't dus ouch neet controlere), mer ouch heer kin 'n fout make (boemèt iech nog steeds neet zègk tot 't fout is);
3. Dwing iech diech tot get?

Nogmaals, de zègks zelf tot 't liegfrequent gebruuk weurt (en de baseers dat volges miech op d'n oetspraak vaan Ortjens). Boerum moot 't hei daan prómmenent gebruuk weure? - Pahles | zègk 't mer 10 fib 2011 22:57 (CET)

'n Aofwiekend exoniem wie dit kin gein vergissing zien. 't Kin geine typ- of drökfout zien, en de zóks zoeget ouch neet oet d'nen doum um te zien of lui wel oplette. Es v'r devaan oetgoon tot Ortjens 't good heet gezeen, kinne v'r dus 't volgende vasstèlle:

1. Utrei is good Mestreechs;
2. 't Is twie jaor trök nog gebruuk, dus is 't neet hopeloes verawwerd;
3. Eine mèt ech verstand vaan 't Mestreechs ('ne spreker dee deveur heet doorgelierd) heet deze variant verkoze bove Utrech;
4. Eine dee veur e breid publiek sjrijf (populair wetensjap) is devaan oetgegaange tot zie publiek dit begreep en accepteerde.

Dat liek miech genoog reie um 't hei touw te laote. Dat wèlt evels neet zègke tot de vörm Utrech daoneve daan neet acceptabel zouw zien. Meh iech, dee de artikele bin begós, höb wel de keus veur de vörm deen iech priffereer touw te passe. Diech geis dao tegenin en wèls allein Utrech touwlaote, dat neum iech wel dwinge jeh. Steinbach 11 fib 2011 00:28 (CET)

De ierste versie vaan dit artikel stamp oet 2005. Toen waor vaan 't beukske vaan Aarts gein spraoke, dus de kins dao neet nao verwieze es de bron veur de naom. Iech höb nörges gezag tot de naom Utrei neet besteit, iech höb allein aongegeve tot de naom miech es Mestreechteneer totaal vreemp is. Iech wèl Ortjens netuurlek gere geluive, mer feit is ouch tot heer allein zeet tot heer meint tot heer 't gezeen heet. Tot Aarts de naom gebruuk in zie beukske kin iech neet bevestege (en diech ouch neet), iech kin 't evels ouch neet oontkrachte. Iech veul daobij nog steeds geinen dwaank vaan miene kant. Iech wèl koume tot 'n oplossing veur wat in mien ouge 'n sumpel probleem is: veer zien 't neet ins euver de naom vaan dit artikel. Is dees discussie dao neet veur bedoeld um tot te kinne koume tot 'n oplossing daoveur? Miech liekent 't in 't belaank vaan de gaanse wiki es de artikele 'ne naom höbbe dee 't mies gaankbaar is. Dat bevordert de leesbaarheid en herkinbaarheid veur de minder gooj sprekers en sjrijvers oonder us. Minder gaankbaar benaominge kinne zeker in 't artikel geneump weure, en mèt redirects is ouch 'nen houp op te losse. Daobij, d'n iersten auteur vaan 'n artikel heet nog noets 't alleinrech euver (de naom vaan) dat artikel gehad. Of höb iech 't princiep vaan wikipedia verkierd begrepe? - Pahles | zègk 't mer 11 fib 2011 10:46 (CET)

Iech zal binnekort mer weer 's dat book oet de kas haole. Evels weit iech zoonder mankatie tot Utrei woort gebruuk in dat book vaan Aerts, mer iech kin 't mesjiens fout höbbe. Desneettemin gebruuk iech zelf ouch alle ze leve Utrei, umtot iech dat sjoener en zuverder vind daan Utrech. 't Is e feit tot Utrech mie weurt gebruuk daan Utrei, mer allewijl gebruuk me ouch al bekans noets mie alewijl, kalbas, enzoewijer. Zelfs nao weurt dèks fout oetgesproke es naor.--Ortjens 11 mrt 2011 10:46 (CET)