Bekiek brón van Elisie

{{Dialek|Mestreechs}}
'''Elisie''' is 'n [[taalweitesjap|taolweitesjappelek]] versjijnsel boebij ein of mierdere spraokklaanke weure weggelaote. Es me [[Limbörgs]] en [[Nederlands]] beveurbeeld mèt mekaar vergelieks, kumps de hendeg bekind Elisie tege. 't Guuf twie elisies tösse dees twie taole. De elisie vaan de slot -t en de elisie vaan de slot -n.

==Elisie vaan de slot -t==
Op 't Limbörgs kin 'n t veurkoume aon 't begin vaan e woord (''tien''), in 't middel (''betaole'') en aon 't ind (''oet''). D'n t-klaank weurt op 't Limbörgs evels altied weggelaote in de volgende klaankcombinaties aon 't ind vaan wäörd (boe 't Nederlands wél 'n ''t'' heet):
* cht > ch: Maastricht weurt Mestreech
* ft > f: blaft weurt blaf
* gt > g: vraagt weurt vreug
* kt > k: dialect weurt dialek
* pt > p: loopt weurt löp
* st > s: feest weurt fies

Es Limbörgers Nederlands praote, passe ze dizze regel ouch dèks touw en laote ze de t weg: <blockquote>In Maastrich is 't elke nach fees en krijg je nooit rus.</blockquote> Dit versjijnsel nump me soms ouch wel, plaotsgeboonde, [[Huilands]] of [[Nedertreechs]].

==Elisie vaan de slot -n==
Op 't Nederlands kin de slot -n in hiel väöl wäörd al of neet weure oetgesproke, meh ze weurt altied gesjreve. In de Limbörgse vertaolinge vaan die wäörd weurt de slot -n neet oetgesproke en ouch neet gesjreve. De regel op de mieste Limbörgse dialekte is: Oonbeklemtoende lèttergrepe mèt de schwa-klinker aon 't ind vaan wäörd kinne neet oetgoon op -n. Veurbeelde:
* horen - hure
* straten - straote
* open - ope
* zeven - zeve

Lèt wel op: de slot -n kan 'n oonderdeil zien vaan de stam vaan e werkwoord. Daan blijf de -n bewaord: "iech teiken".

In sommege dialekte kump dees slot -n evel wel trök es 't woord weurt gevolg door 'ne klinker of zelfs 'n h-. Dit gebäört beveurbeeld in 't [[Mofers]].

==Brónne==
* ''Verhaol vaan eus Taol'' ([[2009]])
* ''Hoofstök 8 vaan Aarts'' ([[2001]])

[[Categorie:Taalweitesjap]]
[[Categorie:Limburgs]]