Domeinname
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
'ne Domeinnaom is 'ne naom in 't Domain Name System (DNS), 't systeem um computers op 't internet vaanein te kinne ondersjeie.
Veurbeeld
[bewirk | brón bewèrke]'ne Domeinnaom is neet hetzelfde es 'ne URL. 't Volgende veurbeeld gief het versjeil aon tösse 'ne URL en 'ne domeinnaom:
- URL: http://www.veurbeeld.nl
- domeinnaom: veurbeeld.nl
Top Level Domain
[bewirk | brón bewèrke]De versjèllende deile vaan 'n domein weure vaanein gesjeie door punte, beveurbeeld li.wikipedia.org. 't Mies rechse deil nump me 't Top-level domain TLD, hei is dat .org. D'r zien twie versjèllende soorte TLD's, e generiek top level domain (gTLD), en e TLD op landniveau (country code TLD of ccTLD). Veurbeelde van gTLD's zien .biz, .com, .edu, .gov, ,.net, .org. De ccTLD's bestoon oet twie lètters gebaseerd op de ISO kodering ISO-3166. Veurbeelde van ccTLD's zien .nl, .be, .de, .uk.
Twiede en weijer niveau-domeine
[bewirk | brón bewèrke]Metein links vaan h't TLD steit 't twiede niveau-domein. Bij li.wikipedia.org is dat dus wikipedia. 't Derde niveau-domein is hei li
Registratie
[bewirk | brón bewèrke]Um zoe'ne domeinnaom te kinne gebruke mót 'r iers geregistreerd weure. De TLD's weure bij ICANN behiert. De twiede niveau domeine weure in geval van ccTLD's miestal behiert door 'n door de regering aongeweze partij. In Nederland is dat Stichting Internet Domeinregistratie Nederland (SIDN). Veur 'n bepaold bedraag per jaor kins te 'n aonvraog indene um in 't bezit te koume vaan e twiede-niveau domein. In 't geval van gTLD kinne-n 't ouch bedrieve zien die dat TLD behiere.
Extern linke
[bewirk | brón bewèrke]- http://www.sidn.nl/
- http://ec.europa.eu/information_society/policy/doteu/index_en.htm Info euver domeinnaom .eu
- http://www.iana.org/gtld/gtld.htm Lies vaan generic TLD's (gTLD's) en hun behierders
- http://www.iana.org/cctld/cctld-whois.htm Lies vaan country code TLD's (ccTLD's) en hun behierders