Bekiek brón van Deventer

{{dialek|Mestreechs}}
[[Plaetje:LocatieDeventer.png|thumb|right|Ligking vaan Deventer]]
'''Deventer''' ([[Nedersaksisch]]: ''Dèv'nter/Daeventer'' en in lokaal dialek: ''Dèmpter'') is 'n stad en gemeinte in westelek [[Euverijssel]], aon de reveer d'n [[Iesel]]. De gemeinte besleit 'n oppervlak vaan 134,38 km<sup>2</sup>, boevaan 3,08 km<sup>2</sup> water en heet per 1 april 2016 99.166 inwoeners. De gemeinte umvat neve de stad Deventer, mèt good 80.000 inwoeners in 2015, de plaotse [[Apenhuizen]], [[Averlo]], [[Bathmen]], [[Colmschate]], [[Diepenveen]], [[Dortherhoek]], [[Lettele]], [[Linde (Deventer)|Linde]], [[Loo (Deventer)|Loo]], [[Okkenbroek]], [[Oude Molen]], [[Pieriksmars]], [[Schalkhaar]], [[Tjoene]] en [[Zuidloo]]. Sommege vaan die zien mer [[gehöch]]te of stadswieke.

==Stadsfuncties==
Deventer verzörg e good deil vaan 't [[Salland]] en de oosteleke [[Veluwe]] meh is wel e secundair verzörgingscentrum mèt de groeter stei [[Zwolle]] en [[Apeldoorn]] in de beurt. Deventer is nog ummer mier op industrie es op deenste geriech.

In Deventer weurt jaorleks de groetste bokemerret vaan Nederland gehawwe.
==Stadsgeziech==
[[Plaetje:Deventer.jpg|thumb|right|Deventer mèt de Groete Kèrk]]
Deventer heet ein vaan de bes bewoerde binnestei in [[Nederland]]. Bezeenswierdeg zien oonder mie de Groete Kèrk mèt häöre "Paeperbusse"-torie, de Waog en de nog gedeiltelek Roemaonse Bergkèrk. Wijer kint de stad talrieke hierehoezer, dèks geconcentreerd in sträötsjes mèt weineg of gein nuibouw. Vaan de singele is nog 't mins bewoerd gebleve.

==Historie==
In [[768]] woort Deventer gestiech door d'n [[Angelsakse|Angelsaksischen]] evangelieprediker [[Sint-Lebuinus]]. In [[956]] kraog Deventer [[stadsrechte]]. Vaan de [[elfde iew|elfde]] tot de [[zestiende iew]] bleujde de stad op es handelsplaots, en lid vaan de [[Hanze]]. De bekinde theoloog [[Geert Groote]] waor oet Deventer aofkumsteg. Tösse [[1559]] en [[1591]] zetelde 'ne [[bisjop]] in Deventer, dee door de [[Prottestantisme|protestante]] verdraove woort. In [[1783]] kaom Deventer in de grip vaan de [[patriotte]]. In d'n [[Twiede Wereldoorlog]] woort Deventer zwoer gebombardeerd, meh hei bleef zjus 't stadscentrum gespaard.

==Gebaore in Deventer==
* [[Özcan Akyol]], Nederlandstaolege sjriever
* [[Jules Croiset]], acteur
* [[Bert van Marwijk]], vootbaltrainer
* [[Jan Pieterszoon Sweelinck]], componis

==Extern linke==
* http://www.deventer.nl/
* https://web.archive.org/web/20080412042222/http://www.vvvdeventer.nl/

{{GemeintesEuverijssel}}
[[Categorie:Sjtaej in Euverijssel]]
[[Categorie:Gemeintes in Euverijssel]]