Contrarifformatie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Slevrouw-t'rhiemelopnumming, door Peter Paul Rubens. In de contrarifformatie woort sterk op kuns ingezat um de geluivege te inspirere; de stijl dee me daomèt associeert is de barok.

De contrarifformatie is de verzamelnaom veur 'n aontal hervörminge in de roems-kathelieke kèrk die in de zèstiende en zeventiende iew hun beslaag kraoge en woorte doorgeveurd es reactie op de rifformatie. Doel waor um de geluivege binne de kathelieke kèrk te hawwe daan wel trök te kriege. De basis veur de hervörminge woort gelag op 't Concilie vaan Trente (1545–1563).

De lier vaan de Kèrk bleef gooddeils oonveraanderd. Aon sommege praktijke woort evels 'n ind gemaak of perk gestèld, wie d'n aoflaothandel en diverse vörm vaan veerstrekkende corruptie in de kèrk. In de liturzjie woorte diverse veraanderinge doorgeveurd - 't rizzeltaot steit bekind es de Tridentijnse Mès. Um 't geluif bij de lui te bringe woort zwoer ingezat op kuns en uterlek vertuin; de barok daank zien opkoms veur e groet deil aon de contrarifformatie. Tege ketterije bleef de kèrk intollerant; mèt de inquisitie woort zwoer op oonderdrökking ingezat.

't Beleid wat in de contrarifformatie woort gemaak bleef in zekere zin tot in de twintegste iew vaan krach, tot 't Twiede Vaticaons Concilie dao rizzoluut 'n ind aon maakde.

  Dit artikel is e sjtumpke. De kans Wikipedia helpe door 't aan te völle