Cloaca
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
De cloaca is de äöpening in 't lief van sómmige bièster wodoor zowaal de óntlasting en urien es de genitaal aafsjeijinge (wie de eier) waere aafgegaeve. 't Orgaan behuèrtj dus zowaal tót de geslechsorgane es tót 't oetsjeijingsstèlsel.
Bekans alle veugel, reptiele en amfibieje höbben 'n cloaca. Dere mit 'n placenta (de meiste zougdere) en beinvèsse höbbe in plaats van ein cloaca, gedifferentieerdj de sekse, gespecialiseerdje rectaal äöpeninge (wie de vrouwelike vagina) en/of alternatieve organe (wie de mennelike penis).
In de embryonaal faas höbbe ouch zougdere versjillige vörm aan cloaca's, woroet zich de gespecialiseerdje äöpeninge óntwikkele.
Naeve de fónksje es 'n aafsjeijingsäöpening wuèrtj de cloaca bie bestumdje deersaorte ouch gebroeke veur de regeling van de liefstemperatuur en zelfs, bie sómmige saorte aan zièsjiljkróddele, veur aomhaoling ónger water.