Kladistiek

Van Wikipedia
(Doorverweze van Cladistiek)

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


Kladistiek of kladisme is 'n analysmethood die wuèrtj gebroeke in de biosystematiek veur evolutionair relaasje tösse organisme perbere te bepaole. Evolutionair verwantjsjap kan allein waeren aangetuèndj op gróndj van synapomorfieje: de gemeinsjappelik eigesjappe van alle leje van 'n groep, die ze höbbe geórve van de litste gemeinsjappelike veureljer van die groep.

Kladistiek versjiltj van anger fylogenetische genièkinge, wie de evolutionair systematiek, doordet allein monofyletische gruup waere opgenómme die alle saorte ómvatte die aafstamme van 'ne bestumdje veureljer (de klade). Zowaal parafyletische, gruup die waal alle drekke aafstammelinge van de litste gemeinsjappelike veureljer bevatte, meh neet sómmige later aafstammelinge, es polyfyletische, gruup die neet alle drekke aafstammelinge van de veureljer ómvatte, gruup waere aafgeweze.

Bie de klassieke systematiek woort veurnamelik gekeke nao morfologischen en anatomische boew en euvereinkumste dao-in en nao homologie en euvereinkumste in 't boewplan.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kladistiek&oldid=390052"