Céline Dion
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Céline Marie Claudette Dion (Charlemagne, Québec, 30 miert 1968) is 'ne Canadese zengeres vaan op e volwasse pebliek geriechte popmeziek mèt liechte soulinvlood. Ze huurt tot de bès verkoupende artieste wereldwied.
Dion woort in 1980, nog mer twelf jaor aajd, oontdèk door meziekproducent en talentscout René Angélil, dee later häöre maan zouw weure. Nao 'n carrièr es tienerstaar braok ze in 1988 internationaol door wie ze veur Zwitserland 't Eurovisie Songfestival won mèt 't leedsje "Ne partez pas sans moi". In de jaore '90 haolde ze groet succes mèt Ingelstaoleg rippertoir, dèks veur succesvol films. Zoe zong ze oonder mie "Beauty and the beast" en "My heart will go on", d'n titelsong vaan Titanic en ein vaan de bès verkochte singles oets. Oonderwijl bleef ze meziek make veur de Franse merret. In de jaore '00 en '10 haolde ze minder groete successe, meh bleef ze wereldtours doen die ummer stief waore oetverkoch.
In 2022 kaom 'n ind aon de tournees wie Dion bekind maakde tot ze lijde aon 't stiff person-syndroom, 'n zeldzaom spierekrenkde. Mèt therapie en medicatie kin ze noe en daan nog optrejje. In 2024 zong ze op de eupening vaan de Olympische Speule in Paries. Twie jaor later kundege ze nog ins tien konzèrs aon, ouch allemaol in Paries.
Dion is väöl gepreze um häör sjoen stum en gooj zaanktechniek. Bij kinners huurt me evels ouch dèks de kritiek tot häör meziek te populistisch en gemekelek zouw zien.
Dit artikel is e sjtumpke. De kans Wikipedia helpe door 't aan te völle