Bekiek brón van Bergen op Zoom

{{dialek|Mestreechs}}
[[Plaetje:LocatieBergenOpZoom.png|frame|Ligking vaan Bergen op Zoom in Noord-Braobant]]
'''Bergen op Zoom''' (in 't Bels is de sjrijfwijs: ''Bergen-op-Zoom'' gebrukelik, [[Braobants]]: ''Berge'') is 'n [[stad]] en gemeinte in westelek [[Noord-Braobant]]. De gemeinte had op 31 miert 2015 66.269 inwoeners (828 inw/km²) en besleit 93,13 km<sup>2</sup>. Binne de gemeinte ligke nog 't dörp [[Halsteren]] en de [[buurtsjap]]pe,  [[Lepelstraat]] en [[De Kladde]] en inkel [[gehöch]]te.

==Stadsfuncties==
De stad vörmp same mèt [[Roosendaal]] e twieling-verzörgingscentrum veur de regio, dewijl Bergen op Zoom zelf ouch veur [[Zieland]] vaan belaank is; veural [[Tholen]] is op dees stad geriech. Bergen op Zoom heet 'n umvangriek industriegebeed wat vaan 't [[Sjelde-Rienkenaal]] tösse [[Antwerpe]] en [[Rotterdam]] ligk.

==Stadsbild==
[[Plaetje:Bergen op zoom 008.jpg|thumb|right|Gevangenpoort]]
Vaan Bergen op Zoom zien aw glorie is nog relatief väöl bewaord gebleve. Vaan de aw mör is de Gevangenpoort nog euver. Bekind is ouch 't steidelek kestiel de Markiezenhof, en de St.-Geertrudiskèrk mèt d'n torie, dee (wie ouch de [[Zwolle|Zwolse]] en [[Deventer]]se torie) de ''Peperbus'' geneump weurt.

==Historie==
Tot [[1287]] maakde Bergen op Zoom deil oet vaan de hierlekheid [[Breda]]; vaanaof dat jaor góng Bergen op Zoom wijer es centrum vaan 'n eige hierlekheid. Roond deen tied moot de plaots ouch stadrechte höbbe. Wienie is neet bekind: de akte moot tijdens 'ne brand in 't stadsarchief in [[1397]] verlore gegaange zien. Later woort de hierlekheid tot [[markies|markiezaat]]. De stad oontwikkelde eerdewerk en lake-industrie; mèt de lèste beconcurreerde me de Vlaomse stei.

Tijens d'n [[Tachtegjaoregen oorlog]] woort de stad versjèllende kiere vereuverd, meh bleef oeteindelek in han vaan de opstand, ouch al door mechteg vestewerke vaan [[Menno van Coehoorn]]. In [[1747]], bij de [[Franse successieoorlog]], vereuverde de Franse de stad, die daonao tot [[1814]] in Franse han bleef en garnizoensstad waor.

==Externe link==
* [http://www.bergenopzoom.nl/ Officieel site vaan de gemeinte]
{{commonskl|Category:Bergen op Zoom}}
{{GemeintesNoord-Braobant}}
[[Categorie:Sjtaej in Naord-Braobent]]
[[Categorie:Gemeintes in Naord-Braobent]]