BAC One Eleven
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
De BAC one-eleven, ein tweemotorig vleegtuug det väöl weg haetj van'ne F28 Fellowship en'ne DC-9, waerdje ontworpe es vervanger veur de veermotorige Vickers Viscount. Door de geringe aafmaetinge bleek ze hiej helemaol gesjiktj veur te zeen. Door de sjtraolmotors waerdje de vluchdoer beperktj wodoor d'r leger koste ontsjtonge. De one-eleven kreeg grote vleugels die veur väöl lift zorgdje. Om 't toesjtel ouch nog gesjiktj te maake voor nóg sjlechter baane, of zelfs onverharde baane, waerdje 't vleegtuug mit grote lanjingskleppe (flaps) oetgerös. D'r waerdje inkele versies geboewdj, zowie ein verlingdje versie en de 1-11-500 die ein groter spanwiejte haaj.
Technische gegaeves
[bewirk | brón bewèrke]Lengte: 32,61 m.
Breidte: 28,50 m.
Heugte: 7,47 m.
Kruutssjnelheid: 870 km/u
Vleegbereik: 2380 - 3500 km.