Bekiek brón van Almelo

{{dialek|Mestreechs}}
[[Plaetje:LocatieAlmelo.png|frame|Ligking vaan Almelo in Euverijssel]]
'''Almelo''' is 'n [[stad]] en [[gemeinte]] in de [[Nederland]]se [[provincie]] [[Euverijssel]], in [[Twente]], mèt 'n oppervlak vaan 69,40 km<sup>2</sup> (daovaan 1,97 km<sup>2</sup> water) en (per 1 april 2016) 72.376 inwoeners. De gemeinte vörmp same mèt [[Hengelo]] en [[Enschede]] 'n klein [[agglomeratie]], boe-in e groet deil vaan de Twentse bevolking woent. Neve de hoofplaots umvat de gemeinte wijer de [[dörp]]er [[Aadorp]], [[Bornerbroek]] en [[Mariaparochie]] (gedeiltelek).

==Stadsfuncties==
Naotot in jaore zesteg de textielindustrie verdwene waor is 't belaank vaan Almelo es industriestad hendeg verminderd. Industrie in Almelo vint me allewijl op 't ''Bedrijvenpark Twente''. Ouch belangriek is Almelo es plaots vaan oonderwiesinstèllinge, boe-oonder 'n landbouwsjaol. Almelo heet 'n [[intercity]]-[[statie]] mèt verbindinge nao [[Enschede]] en nao [[Deventer]] en [[Utrei (stad)|Utrei]].

==Stadsgeziech==
Oondanks tot Almelo 'n historische stad is heet 't wieneg aw gebouwe. 't Belangriekste is 't ''Hoes Almelo'', bewoend door de graove [[Van Rechteren Limpurg]]. In 't centrum steit de Groet Kèrk oet [[1733]]. Door de väöl industriële die roond 1900 in Almelo actief waore gief 't väöl [[villa]]'s oet deen tied, sommege in [[Jugendstil]], andere in [[neostijle]]. Wijer 't aajd tuindörp ''De Riet'' vaan belaank.

==Historie==
Almelo oontstoont in de [[middeliewe]] aon de krusing vaan 'ne landweeg mèt 'n beek, de ''Aa''. In [[1236]] weurt veur 't iers 't ''hoes Almelo'' vermeld, op dezelfde plaots vaan 't huideg kastielke. 't Is al sinds iewe in han vaan de familie Van Richteren Limpurg, die vaanajds versjèllende rechte in de stad Almelo heet. Zoe had ze vreuger 't rech um rech te spreke. Oondaanks dees "hurigheid" kraog de stad in [[1420]] [[stadsrechte]]. Almelo had evels neet väöl militair belaank en heet noets 't aonzeen vaan 'n echte stad gekrege. Zoe had 't gein walmör. In de [[zeventiende iew|zeventiende]] en [[achtiende iew]] kaom de weverij in Twente op. Door de sjaolvergroeting, die de inveuring vaan 't [[stoummesjien]] mèt ziech mètbrach, greujde de plaots in de [[negentiende iew]] hiel snel. Vaan [[1818]] tot [[1914]] waor Almelo verdeild in de gemeintes ''[[Stad Almelo]]'' en ''[[Ambt Almelo]]''. In de jaore zesteg zakde de textielindustrie in door concurrentie oet len mèt lieg loene. Tot op d'n daag vaan vendaog heet Almelo te make mèt e [[sjomaasj]]probleem.

==Gebore in Almelo==
* [[Bert Bakker (politicus)|Bert Bakker]], Twiede-Kamerlid veur D66
* [[Arnold Bruggink]], vootballer
* [[Herman Finkers]], cabaretier
* [[Ilse de Lange]], countryzengeres
* [[Wubbo Ockels]], astronaut
* [[Eddy Zoëy]], presentator

==Externe link==
{{commons|Almelo}}
* [http://www.almelo.nl/ Website vaan de gemeinte]
{{GemeintesEuverijssel}}
[[Categorie:Sjtaej in Euverijssel]]
[[Categorie:Gemeintes in Euverijssel]]