Ale (beer)
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Ale is 't rizzeltaot van beerbroewe, zowie men det in 't Vereinig Keuninkriek en Ierlandj kènt. De ingrediënte en 't broewprocès zeen bao gans 'tzelfde es bie 't broewe van pils. 't Versjil zit veural in 't feit det bie de gekeemde gaers (malt) ouch e deil gereusterd gaers weurt toegeveug. De toeveuging van gereusterd gaers is verantjweurdelik veur de amber- of kaoperechtige kleur van 't beer. Boetedet is ale per diffenisie baovegistend, terwiel pils óngergistend is.
Wen de malt en de gereusterde gaers zeen samegeveug kump de stap van 't broewe in procès.
De oorsjprónk van 't broewe van ale ligk in Groot-Brittannië. Dees traditie is later euvergewejd nao Belsj en Nederlandj. Ale sjteit hie bekènd ónger de naam "amber" en in Belsj ouch es "speciale (belge)" en döks mit 't achterveugsel "-ale" in de naam.
Varianten
[bewirk | brón bewèrke]'n Aantal variante besjtaon op de sjtanderd-ale. De variaties óntsjtaon door de samesjtèlling van 't maltmingsel en de toegeveugde gereusterde gaers te variëre, door beveurbeeld extra sókker of 'n anger bewirking van gaers, beveurbeeld door gaers toe te veuge det gedreug is baove aope vuur, volges de Sjotse traditie.
Anger variante zeen:
- Brown ale
- Cream ale
- Irish red ale (wie Beamish Red, Kilkenny, Murphy's, Smithwick's Ale, Heineken Kylian)
- Mild ale
- Old ale
- Pale ale (bijvoorbeeld Palm Speciale, De Koninck)
- Classic pale ale
- India Pale Ale
- American pale ale
- Strong Ale
- English old ale
- Scottish ale