Agglomeratie

Van Wikipedia
(Doorverweze van Aglomeratie)

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


Tokio is mit taenge de 40 miljoen inweuners de grótste agglomeratie van de werreld.

'n Agglomeratie is 'n aaneinsjakeling van plaatse (stei en dörper) wovan de inweuners zich gedrage ofwen ze in ein stad woane. Det wil zègke det de beweuners woane, wirke, winkele en recreëre in versjillige deiler van de agglomeratie en zich in häör daacheliks laefpetroan väölvöljig binne de agglomeratie verplaatse. De term agglomeratie verwies veural nao de morfologische vorm van aaneingegrudje plaatse, dewiel de term stadsgewes ière verwies nao de verspreijing van de steielike laefwies, die de agglomeratie wied kan euverstiege.

In väöl vel ligk 'n agglomeratie rónjelóm 'n centraal stad: 'n metropolis. De stei en dörper sloete min of miè drek opein aan; aevel kónne ouch revere, autosnelwaeg, parke of voukshäöf daotösse ligke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Agglomeratie&oldid=446634"