Abortus

Van Wikipedia
(Doorverweze van Abortus provocatus)

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Abortus sjleit op 'n óntiejige gebaorte of 'n miskraom. In 't Nederlandjs sjteit 't döks synoniem mit abortus provocatus: de medische term veur 't veurtiejig aafbraeke van 'n zjwangersjap door medisch ingriepe.

Abortus es medische ingreep is op ethische grunj ómsjtreje. In Nederlandj is abortus in principe meugelik toet de einentwintjigste waek van de zjwangersjap es aan 'n aantal regels is vóldaon. Eine van die regels is 't feit det de oetveuring van de zjwangersjapsóngerbraekeing mót zeen veuraafgegange door 'ne bedinktied van e paar daag en det de zjwangersjapsóngerbraeking mót waere oetgeveurd door 'ne medicus.

In sómmige lenjer weurt abortus es e "veurbehoodsmiddel achteraaf" gebroek, wie de morningafterpil.

Zelfs in lenjer wo abortus wèttelik is toegesjtange vinje nag abortusse plaats ónger riskantje ómsjtenjigheje, wie mit zeip, breinäölj of vergif.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abortus&oldid=441112"