Bekiek brón van Abchazisch

{{Dialek|Mofers}}
't '''Abchazisch''' is 'n [[Naord-Kaukasische spraoke|Naord-Kaukasische spraok]] die gekaldj wuuertj in 't [[Abchazisch Republiek]] in [[Georgië]], ane kös vanne [[Zwarte Zieë]]. De spraok wuuertj gekaldj door zoea 101.000 luuj in Georgië (1993), mit 'n ganse bevolking van 112.740 in alle lenj, en haet de ISO 639-3 code ''abk'' enne ISO 639-1 code ''ab''.

De spraok wuuertj ouch ''Abxazo'' geneump en haet versjillige dialekte, namelik Abzhui, Bzyb en Samurzakan. Saer óngevieër 1860 wuuertj 't Cyrillisch sjrif gebroek; 't Georgisch sjrif (''Mkhedruli'') wuuertj neet mieë gebroek.

In [[Törkieë]] wuuertj de spraok nag door 4.000 luuj gekaldj (1980) oet 'n etnische bevölking van 39.000 (2001). 't Wuuertj gekaldj 't naordoeaste bieje [[Coruh]]-reveer, en in 't naordwèste veurnamelik inne provincies [[Bolu]] en [[Sakarya]]. De spraekers kallen ouch 't [[Törks]] en zeen Soenni-islamitisch.

In Georgië haet 94% vanne spraekers 't Abchazisch es moderspraok en zeen de spraekers kristelik en islamitisch. 

De spraokstatus veur dees spraok is provinciaal (2) in Abchazië; det beteikentj det de spraok in óngerrich, wirk, media en bestuur binne groeate administratieve óngerdeiler van e landj gebroek wuuertj; en bedreig (6b) in Törkieë; det beteikentj det de spraok gebroek wuuertj veur persuuenlike communicatie door alle generaties, meh det 't aantaal spraekers aafnump. In 't Abchazisch Republiek is 't Abchazisch 'n wettelike provinciaal spraok en co-officieel mit 't [[Georgisch]] (1995, Gróndjwet, Art. 8).

== Classificatie ==
* [[Naord-Kaukasische spraoke|Naord-Kaukasisch]]
** Wès-Kaukasisch
*** Abchazisch-Abaziens

== Brón ==
{{interwiki|code=ab|Abchazische}}
* [http://www.ethnologue.com/language/abk Ethnologue].

[[Categorie:Noord-Kaukasische tale]]
[[Categorie:Georgië]]
[[Categorie:Törkieë]]