Ónbemand lóchvoertuug

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

Ónbemande Lóch Voertuuge waere euver de ganse waereld unmanned aerial vehicle (UAV) geneump. Veur 't gemaak waere dit soort systeme in dit artikel vaerder UAV geneump.

Algemein

UAV's eise in toenemende maote ein plaats in de zoegenaamde "3e dimensie" op. Met name dao wao minselaeves op 't spel zoele kinne staon waere dit type vleegtuuge ingezat. UAV's hebbe veurnamelik Militaire take, maar de toepassinge (en eigenaers) zien in toenemende maote ouk civiele instanties.

Indeiling

UAV's waere in instantie ónderverdeild nao:

De huuëgte wao op 't systeem vluug en zien werk duit
D'n tied dae 't systeem in de lóch kin bliève.
't Bereik van 't systeem (wie vaer kint 't vleege)

Doeën beej: (Close/Short Range) wiès zón 50/200km

Endurance: Haos ónbeperkte aafstand, met vleegtieje wiès miër dan 24 oor.

Veurbaeld middelbare huuëgte UAV

MALE UAV waat beteikend: Medium Altitude Long Endurance UAV waat vreej vertaald beteikend det deze UAV tot huuëgtes van zón 10km vluug én det >12 oor kin volhalde. Veurbeelde heejvan zien de Predator en de Hunter UAV. Dit zien vleegtuuge met ein spanwiedte van zón 10-20 maeter.

Veurbaeld groeëte huuëgte UAV

HALE UAV waat beteikend: High Altitude Long Endurance UAV waat vreej vertaald beteikend det deze UAV tot huuëgtes van waal 30km vluug en det beej sómmige types waal miër dan 24 oor kin volhalde. De Global Hawk is ein veurbeeld van ein dergelik systeem, waat in gruuëte vergeliekbaar is met 'nne Boeing 737.

In de civiele waereld waere de verschillende klasses as vólg aangeduud: Lokaal, Regionaal en Endurance