Bekiek brón van Èlf benk vaan Sintervaos

{{dialek|Mestreechs}}
De '''Èlf benk vaan Sintervaos''' waore in de [[middeliewe]] en de [[Vreugmodernen tied]] 'n [[proosdij]] die oonder gezaag vaan 't [[kapittel]] vaan de [[Sintervaoskèrk]] in [[Mestreech]] stoont. De dörper zien in de vreug middeliewe aon 't kapittel in lien gegeve; de sjinkingsakte moot zien verlore gegaange. In eder geval woort 't bezit vaan 't kapittel in op 31 miert [[1139]] door [[paus]] [[Innocentius II]] zelf bevesteg. De proosdij bestoont toen oet:

* [[Berg (Tóngere)|Berg bij Toongere]]
* [[Bern (Luuk)|Bern]] (Berneau, gemeinte [[Dalhem]])
* [[Hier-en-Keer]] ([[Hier]] en 't noorde vaan [[Keer]])
* [[Hees]]
* [[Kunsem]]
* [[Mechele (Belsj Limburg)|Mechele aon de Maos]]
* [[Groeët-Loeën|Niel-Sintervaos]]
* [[Slauze]]
* [[Twieberg]]<!--boe moot dat ligke-->
* [[Vlèètege]] mèt [[Laofelt]] en [[Èllich]]
* [[Zeppere]]

In [[1087]] al verklaorde keizer [[Hendrik IV vaan 't Heileg Roems Riek|Hendrik IV]] de Sintervaoskèrk [[vrij riekshierlekheid|riekshierlek]], wat wouw zègke tot ze direk oonder de keizer stoont en neet aofhenkelek waor vaan lieger hiere. Wie in later iewe de feiteleke mach vaan de keizer versjrumpelde, beteikende dat veur zoe'n staote de facto oonaofhenkelekheid. De èlf dörper gónge ziech es [[hierlekheid|hierlekhede]] of [[sjepebaank|sjepebenk]] besjouwe; de mach vaan de [[proos]] waor beperk.

Wie de [[Rippubliek vaan de Zeve Vereinegde Nederlen]] de [[Twiehieregheid vaan Mestreech]] in han kraog, rekende ze ouch de Sintervaoskèrk daotouw. Es gevolg daovaan eisde ze de èlf benk ouch op. De dörper zelf verzatte ziech daotege: ze zaoge dit es illegaol. Bij de [[Vrei vaan Nimwege]] in [[1678]] erkóste de Franse de hiersjappij vaan de Rippubliek euver de èlf benk; later mós ze dit herrope meh in de praktijk veranderde dit niks. Bij 't [[Verdraag vaan Fontainebleau]] in [[1785]] bevestegde de Franse de Nederlandse suzereiniteit nog ins. Bij de Fransen inval in [[1795]] woorte de dörper euver nui Franse departeminte verdeild. Allewijl ligke de dörper in [[Belsj Limbörg]], [[Nederlands Limbörg]] en [[Luuk (provincie)|Luik]].

==Bron==
''Dit artikel is vrij vertaold oet 't corresponderend Nederlandstaoleg artikel, en wel in [http://nl.wikipedia.org/w/index.php?title=Elf_banken_van_Sint-Servaas&oldid=26869802 dees versie].''

[[Categorie:Historie van Belsj Limburg|Elf benk vaan Sintervaos]]
[[Categorie:Historie van Nederlands Limburg|Elf benk vaan Sintervaos]]