Ziejbaar

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.

---

'n Awwerwetse ziejbaar

Ein plastic ziejbaar

'n Ziejbaar is ein in Limburg väöl gebruuk woord veur 't in 't Nederlandsj gebrukelikke woord vergiet, ein groate kómpvörmige sjaal mèt gaetjes in de wandj.
't Is ein keukegereij dat gebruuk wirt óm aetesware, zwoa-es greuntes, pasta’s, friet e.d., van euvertollig vóch te óntdoon.

Ein ziejbaar woort vreuger meistal van geëmailleerd sjtaol gemaak of van bamboe. Allewiel kriet me in de winkel allein nog mer oetveuringe oet diverse saorte kunssjtoffe en oet roesvriejsjtaol.

Veur bouillon wirt meistal eine chinois, ein zoageneump puntjzeef, gebruuk.

Gezèkde

• Dae haet 'ne kop wiej ein ziejbaar - Hae haet ein kop wiej ein zeef.