Wieringermeer

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan de Wieringermeer in Noord-Holland

De Wieringermeer is 'ne polder en 'n veurmaolege gemeinte in de Nederlandse provincie Noord-Holland, aon 't IJsselmeer, mèt (1 augustus 2006) 12.648 inwoeners en 'n oppervlak vaan 309,37 km2 (daovaan 102,70 km2 water). In de polder ligke de kerne Kreileroord, Middenmeer, Slootdorp en Wieringerwerf (raodhoes).

De Wieringermeer is e groet en redelek homogeen akkerbouwgebeed. Aon d'n IJsselmeerdiek stoon 'n aontal groete windmeules.

Historie[bewirk | brontekst bewerken]

Tot in de vreug middeliewe waor 't gebeed vaan d'n huiege polder nog land; 't laog toen aon 't Almere. Daonao euverstruimde 't gebeed tot allein Wesflinge (e gewes in Midde-Noord-Holland) en Wieringen euverbleve. Dit bleef zoe tot 1927. In dat jaor woort begós mèt 't inpoldere vaan de Wieringermeer, es oonderdeil vaan e groet plan vaan ir. Cornelis Lely um de Zuiderzie aof te slete en gedeiltelek druug te make. In 1930 veel de polder druug en in 1934 begós me häöm te kolonisere. Dit gebäörde noe veur 't iers op initiatief vaan de euverheid, umtot bij de cultivering vaan de Haarlemmermeer, op particulier initiatief, te väöl fout waor gegaange. Vaanaof 1941 góng de polder es gewoene gemeinte in de provincie Noord-Holland wijer. In aprèl 1945 blaozde de Pruse d'n diek op um de polder es waterlinie te gebruke. Nao de bevrijing woorte de loker gediech en in december veel de polder weer druug. In 1956 woort 't dörp Kreileroord aongelag. In 2012 góng de gemeinte op in de nui gevörmde fusiegemeinte Hollands Kroon.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Wieringermeer&oldid=344550"