Wette van Kirchhoff

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Onger de naam wette van Kirchhoff sjtaon ein aantal natuurkundige wette bekindj, twee in'ne elektrotechniek en ein in'ne thermodynamica.

Elektrotechniek[bewirk | brontekst bewerken]

In'ne elektrotechniek weurtj onger de wette van Kirchhoff ein tweetal väölgebroekdje regels versjtange die veurtkomme oet de principes van behoud van energie en lajing in elektrische circuits. De wette zeen vernumpdj nao de natuurkundige Gustav Robert Kirchhoff. Dees twee regels waerdje veur 't eers in 1845 besjreve en kinne waere aafgeleidj oet de Maxwellvergeliekinge.

Som van sjtroume in ein knouppuntj is nul. i1 + i4 = i2 + i3

De eerste wet van Kirchhoff, "Kirchhoff's Current Law" (KCL)[bewirk | brontekst bewerken]

't Principe van behoud van elektrische lajing impliceert de eerste wet van Kirchhoff, ouch waal de "Sjtroumwet van Kirchhoff" genumpdj.

In eder knouppuntj in ein elektrisch circuit is de som van'ne sjtroume die in det puntj same komme geliek aan'ne som van'ne sjtroume die vanoet det puntj vertrekke.
\sum{i_i}=0

Hiejbiej weurtj de conventie aangenomme dat toekommendje sjtroume positief waere geteldj en oetgaondje sjtroume negatief. 't knouppuntj kan geine sjtroum opsjlaon of aafgaeve.

Som van sjpanninge in ein gesjlaote lus is nul. v1 + v2 + v3 = v4

De tweede wet van Kirchhoff, "Kirchhoff's Voltage Law" (KVL)[bewirk | brontekst bewerken]

't principe van behoud van energie impliceertj de tweede wet van Kirchhoff, ouch waal de "Sjpanningswet van Kirchhoff" genumpdj.

De som van'ne elektrische potentiaalversjille (raekening hajend mit de richting) in eder gesjlaote lus in ein circuit is geliek aan nul.
\sum{v_i}=0

Teikenconventie: Ein sjpanningsbron weurtj negatief geraekendj es ze de sjtroum wiltj laote vloeie in taegegesjtelde richting van'ne lus; eine sjpanningsval weurtj positief geraekendj es ze optreejtj in'ne richting van'ne rondjgangkspiel. De richting in ein lus weurtj biej conventie gekaoze en sjtuitj los van'ne lusongerdeile. 't Is praktischer om sjteeds dezelfdje richting (biejv. rechtsom) te keze binne ein lus. De teikes waere dan positief of negatief bepaaldj per sjpanningsbron.

Thermodynamica[bewirk | brontekst bewerken]

In'ne thermodynamica is op 't gebied van sjtraoling van verhitte lichame nog ein wet van Kirchhoff bekindj, die in informeel bewaordinge sjteltj det eine goje reflector sjlech absorbeertj en omgekeerdj. Dees wet van Kirchhoff zaetj 't volgenjde:

Biej thermisch aevewich is de emissiviteit van ein veurwerp geliek aan de absorptiviteit.

Dees wet geldj inkel veur twee lichame op ongeveer dezelfdje temperatuur. Veur beraekeninge tösse de zon en'ne aarde kan de formule dus neet gebroektj waere.

Bron[bewirk | brontekst bewerken]

Dit artikel is in 't Oeals vertaaldj vanoet de Hollandse Wikipedia

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Wette_van_Kirchhoff&oldid=340871"