Waterpolo

Van Wikipedia
Gank nao: navigatie, zeuke

Dit artikel is gesjreve in 't Kemps. 't Weurt gewaardeerd óm in dit artikel 't Kemps aan te hauwe of aan te gaeve welk anger dialek gebroek is.


Waterpolo ontsteng halverwaege de 19e eew es de watervariant van handjbal of footbal. 't Is 'n sport die veural in Zuid- en in Us-Europa grote popularitit geneet, en daor op profesjonele baosis wordt beüfend. Waterpolo is 'n teambalsport die zjwummend wort oetgeüfend. De bedoeling is em 'ne bal zo veer meugelek in 't doel van de taegepartie te warpe. Ilke geslaogde poging levert éin doelpuntj op. 't Team det aon 't einde van de wedstried de meiste doelpuntje haet gemaokt, wint.

Gesjiedenis

't Gif gein zekerhid euver 't ontstaong van waterpolo. D'n Ingelse sportjournalis en awd-waterpolospieler Kelvin Juba nump 'ne zekere William Wilson, in 1844 oet Sjootse awders gebaore, es d'n oetvenger van 't handjbal in water. 'm Zaw in 1876 door zien zjwumvereinegeng Aberdeen zeen gevraog regels veur 'n balspel te water te ontwarpe. In 1877 zaw d'n iester offesjeel waterpolowedstried zeen gespeeld tiedens 't Bon Accord Swimming Festival in de reveier de Dee. 't Is neet bekind of Wilson 't spel wiejer haet ontwekkeld.

In 1885 woort waterpolo offesjeel erkind. In 1887 woort veur d'n iester maol echte doele gebruuk. In 1888 woort in Aengelandj 'n waterpolokemmissie opgerech en 't iester nasjonaal kampioensjap gespeeld. In detzelfde jaor woorte regels vasgelaag en woorte 't spel vanoet Aengelandj naor de Vereinigde Stoate (Boston) geëxporteerd. 't Waterpolo won snel aon popularitit. In 1894 begoosj me her in Prusus en Oosteriek mit, in 1895 in Frankriek, in 1897 in Hungarieë en 1900 in Italië.

Leiden (LZ - 1886) en Amsterdam (Het Y - 1892) woorte de iester stei in Nederlandj waor de waterpolosport beüfend woort.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Waterpolo&oldid=340468"