WASP-12b

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Artistieke weergave vaan WASP-12b en WASP-12

WASP-12b is 'n exoplaneet die roond de staar WASP-12 drejt. De planeet is op 1 aprèl 2008 oontdèk via de transitmethode[1], en bevind ziech op zoe'n 871 leechjaor vaan de Eerd. De planeet heet 'nen aofstand tot häör staar vaan slechs 1/44 deil vaan de aofstand vaan de Eerd tot de Zon. De massa vaan de planeet is 1,41 MJ, en de straol is 1,79 RJ. Door de korten aofstand tot häör staar is d'n umlouptied slechs 1,1 Eerddaog.

De korten aofstand tot häör staar zörg veur zier groete getijekrachte. De vörm vaan de planeet is daan ouch neet mie roond, mer ei-vörmeg. De atmosfeer vaan de planeet weurt door de krachte vaan de planeet 'eweggezoek' (de planeet weurt eigelek gewoen 'opgegete' door häör staar). 't Gevolg vaan de korten aofstand en de getijekrachte is tot de planeet 'n oppervlaktetemperatuur heet vaan zoe'n 2500 K.

Op 20 mei 2010 woort door de Hubble ruimtetelescoop bevesteg tot de planeet inderdaad 'opgegete' weurt door häör staar.[2]

Referenties[bewirk | brontekst bewerken]

  1. "The Planets". SuperWASP. 
  2. http://www.nasa.gov/mission_pages/hubble/science/planet-eater.html
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=WASP-12b&oldid=342667"