Votisch

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


't Votisch is 'n taal die in Rusland gekald wert dör de Voten en verwaant is an 't Estisch. Ze makt deel oet van d'r Balto-Finse subgroep van de Finoegrische tale.

't Votisch wert nog in twieë durpe gekald, Krakolye en Luzhitsy in 't Kingisepp district. Op 24 december 2005 sjreef The Economist dat nog ongeveer twintig luuj de taal kinne sjpraeke. Vief luuj kalle de taal nog dageleks.¨Tussje 1926 en 1959 noom 't aantal modertaalsjpraekers mit 90% aaf. Ze assimileerden zich tut Russe.


De taal.[bewirk | brontekst bewerken]

De taal haat 10 kleenkers, die laank en kort, hoeëg en lieëg en dao tussje-in, oetgesjpraoëke kinnen waeëre en haat sjtimhubbende en sjtimloze medekleenkers. De r is 'n rollende. 't Votisch kint inkel- en mieërvoud, haat 16 naamvalle, 6 tieje, 3 wies en de actief en de passief vorm. Bezoonder is dat oorzakelekheed in de passief vorm sjteet umdat, es gevolg van 't gegaeve dat d'r 3de perzoeën verplich is, daodör de passief vorm al genog actief en oonperzoeëlek wert. De 16 naamvalle vertille dat 't Votisch 'n ow taal is want modern tale haant zich wat zjuus dat aspect aa-geet sjterk vereenvoudigd en kenmerke zich dör 'n väöl groeëter woordesjat es ow tale.

Varia.[bewirk | brontekst bewerken]

An 't Internationaal Songfestival vör Europese minderheedstale 2006 deeg och 'ne groep mit dae in 't Votisch zong. De Votische muzikaante koese eeges de taal neet mie en besjowde ze es oetgesjtorve. De groeëtste oorzaak van 't verdwijne van de taal zoge zie in 't neet oonderwieze in die taal op sjoele. In de Russische Federatie zowwe 'n twintigtal tale op oetsjterve sjtoeë.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Votisch&oldid=339708"