Vincent van Gogh

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Zelfportrèt (1888)

Vincent van Gogh (Zundert, 30 mièrt 1853 - Auvers-sur-Oise, 29 juli 1890) waor 'ne Nederlandse kunssjilder. Hae ies noe ein van de bekèndste Nederlandse sjilders, hoewaal d'r tiejes zien leve mer twiè sjilderieë woorte verkoch.

Van Goghs vreug sjilderieë zint oetbeeldinge van 't boereleve in somber kleure. 't Bekèndste werk oet daen tied ies "De aardappeleters" oet 1885. In 1886 vertrok Van Gogh nao Paries, woa hae kènnismaakde mèt 't impressionisme. Hae woonde dao bie ziene broor Theo, dae kunshandelaer waor. In 1888 góng hae wone in Arles, in 't zuje van Frankriek. Hie begoes hae te sjildere mèt väöl fel kleure. Van Gogh woonde in Arles 'ne tied same mèt Paul Gauguin, meh al gauw krege zie ruzie. Bie eine hoagoploupende ruzie sjneej Vincent zien eige oar aaf. Van Gogh houw groate psychische probleme en woort daoveur opgenomme in 'n insjtèlling in Saint-Rémy-de-Provence. In 1890 vertrok hae oet de kliniek öm in Auvers-sur-Oise bie Paries te goon wone. Op 27 juli 1890 sjoot Van Gogh ziechzelf in de boorsj. Hae sjtorf twiè daag later.

Extern links[bewirk | brón bewèrke]

Commons
Commons
Op de pazjena Vincent van Gogh van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vincent_van_Gogh&oldid=434181"