VSS Enterprise

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


VSS Enterprise (midde) bevestig oonder 't draagvleegmesjien VMS Eve

De VSS Enterprise is 't ierste commercieel ruimtesjeep wat op dit momint in oontwikkeling is veur Virgin Galactic. 't Weurt oontwikkeld door Scaled Composites. 't Is 't ierste ruimtesjeep vaan de SpaceShipTwo klasse, wat in feite 'n opsjaoling is vaan de SpaceShipOne klasse. Op 7 december 2009 woort de VSS Enterprise veur 't iers aon 't publiek getoend.[1] Op 22 miert 2010 voont de ierste zoegenaomde captive vlöch plaots, woebij de VSS Enterprise oonder 't draagvleegmesjien WhiteKnightTwo geneump VMS Eve hóng. Op 15 juli 2010 waor de ierste vlöch mèt 'n volledege bemanning aon boord vaan de Enterprise. Dit waor evels nog steeds 'n captive vlöch.[2] De ierste echte commercieel vlöchte vinde nao alle woersjijnelekheid in 2011 plaots. 'n Ticket zal $ 200.000,- koste.

De naom vaan 't ruimtesjeep is 'n verwiezing nao de USS Enterprise, 't ruimtesjeep oet de TV-serie Star Trek. William Shatner, dee Captain Kirk späölde in dee serie, woort door Richard Branson, eigeneer vaan Virgin Galactic, getrakteerd op 'n gratis vlöch. Shatner sloog dat evels aof en zag "Iech wèl wel nao bove, mer iech wèl ouch garanties tot iech zeker weer trök kom".[3]

Referenties[bewirk | brontekst bewerken]

  1. ""SpaceShipTwo Roll Out"". Virgingalactic.com. 08 December 2009. 
  2. ""VSS Enterprise Makes First Crewed Flight"". Virgingalactic.com. 16 juli 2010. 
  3. "Captain Kirk reveals he won't go boldly into space". Daily Mail (dailymail.co.uk). 6 September 2006, http://www.dailymail.co.uk/pages/live/articles/showbiz/showbiznews.html?in_article_id=403931&in_page_id=1773. Bekeke op 23 miert 2010. 
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=VSS_Enterprise&oldid=342597"