Váh

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De Váh bie Piešťany.

De Váh (Pruus: Waag, Hóngaars: Vág) is 'n ziereveer van de Donau en de lankste reveer van Slowakije. De lingdje bedreug 403 km. De reveer óntsteit oet de samevlöiing van de Witte Váh (Biely Váh) en de Zwarte Váh (Cierny Váh) die in respectievelik de Hoeage Tatra en de Lege Tatra óntspringe. De reveer sjèdj óngerwaeges nao 't wèste deze beide berg en löp door 't gebied det bekindj steit es Liptov (Pruus: Liptau). De belangriekste plaatse zeen hie Liptovský Mikuláš (bie 't gelieknamig stuujmaer) en 't historisch Ružomberok.

De Váh brèk vervólges bie de Klouf van Strečno door de Kleine Fatra (Malá Fatra) en buug veurbie Žilina, de groeatste stad aan de Váh, aaf nao 't zuje. De mónjing in de Donau bevindj zich bie Komárno. 't Debiet van de reveer is 196 m³/s.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Váh&oldid=341309"