Tynaarlo (gemeinte)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Tynaarlo in Drente

Tynaarlo (Drents Tynaorl) is 'n gemeinte in 't noorde vaan de Nederlandse provincie Drente, tege de grens mèt Groninge, mèt 'n oppervlak vaan 147,65 km² (daovaan 3,92 km² water) en per 1 april 2016 32.920 inwoeners. De gemeinte umvat de kerne Bunne, Donderen, Eelde-Paterswolde, Eelderwolde, De Groeve, Midlaren, Oudemolen, De Punt, Taarlo, Tynaarlo, Vries, Winde, Yde, Zeegse, Zeijen, Zuidlaarderveen en Zuidlaren. Hoofplaots is Vries (oongeveer 4500 inwoeners); Eelde-Paterswolde en Zuidlaren zien allebei e stök groeter (good 10.000 inwoeners). Tynaarlo "zelf" is de veerde plaots vaan de gemeinte mèt mie es 1.000 inwoeners.

De gemeinte woort in 1998 gevörmp oet 't fusie vaan de aw gemeintes Eelde, Vries en Zuidlaren. 't Ierste jaor hètde de gemeinte Zuidlaren. De naom woort in 1999 veranderd nao Tynaarlo, vaanwege zjaloezie bij de inwoeners vaan Eelde en Vries. 't Dörp Tynaarlo is noets 'n zelfstendege gemeinte gewees.

  Dit artikel is e sjtumpke. De kans Wikipedia helpe door 't aan te völle

Externe link

• Website vaan de gemeinte