Coevorden

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Coevorden in Drente

Coevorden (Drents Koevern) is e stedsje en 'n gemeinte in de Nederlandse provincie Drente, tege de grens mèt Euverijssel en Nedersakse (Duitsland), mèt 'n oppervlak vaan 299,68 km2 en per 1 januari 2007 36.043 inwoeners. Neve de hoofplaots heet de gemeinte nog de kerne Aalden, Achterste Erm, Benneveld, Dalen, Dalerpeel, Dalerveen, Diphoorn, Erm, Gees, Geesbrug, 't Haantje, Holsloot, De Kiel, Meppen, Nieuwe Krim, Noord-Sleen, Oosterhesselen, Schoonoord, Sleen, Steenwijksmoer, Stieltjeskanaal, Wachtum, Wezup, Wezuperbrug, Zweeloo en Zwinderen.

Historie[bewirk | brontekst bewerken]

Coevorden weurt veur 't iers geneump in 1036 en daonao nog ins in 1148. De naom liet ziech verklaore es oondepe plaots in de revier (voord) boe me de keuj liet doorloupe. Vaanaof 1141 kump Coevorden in han vaan 'ne burggraof, dee lienmaan is veur de bisjop vaan Utrei. Die hiere vaan Coevorden gedroge ziech al gaw oonaofhenkelek vaan de bisjop, wat tot 'ne ganse reeks oorloge leit. Oondanks de militair euvermach vaan de bisjop weure de meiste door de hiere gewonne, al wèt de bisjop hun mach in 1230 tijdelek te breke. Vaanaof 1288] breie ze hun mach oet tot wied boete de grenze vaan 't modern Drente, tot in d'n tegewoordegen Achterhook en in Nedersakse. 't Geslag zal tot 1402 blieve bestoon. In dat jaor maak de bisjop 'n ind aon de hierlekheid Drente en behèlt 't geslach Coevorden allein zien bezittinge daoboete. In 1407 krijg de plaots Coevorden stadsrechte; daomèt is 't de einege historische stad vaan Drente (Asse en Meppel höbbe ouch stadsrechte, meh die kraoge ze väöl later oonder keuning Lowie Napoleon).

In de zestiende iew kump Coevorden, mèt Drente, aon de hertoge vaan Gelre, mèt 'n korte oonderbreking oonder de bisjop vaan Munster. Vaanaof 1536 maak 't deil oet vaan 't riek vaan Sjarel V; nao dee z'nen doed waor 't in Spaonse han. Bij d'n Opstand koos 't de kant vaan de prins. In 1581 woort de stad door de Spaanjerds vereuverd. Wie de Staotse 't in 1591 weer innaome brandde Spaonse legers de stad plat; ze mós dus nui opgebouwd weure. Dao kaom 'n nui vesting nao 't plan vaan Menno van Coehorn. Ouch in 't "Rampjaor" 1672 woort Coevorden 't toniel vaan oorlog, woebij 't kort in 't bezit kaom vaan bisjop Bernhard vaan Galen vaan Munster, bijgenaomp Bómmeberend. Heer perbeerde zelfs de stad oonder water te zètte um ze trök te winne.

In de achtiende iew kaom Coevorden tot verval. 't Veen in de umgeving raakde lankzaamaon aofgegrave en Coevorden raakde zien aw positie es binnehave kwiet aon noordeleker plaotse, boe me ziech noe mèt de törfwinning bezegheel. Tege 't ind vaan de achtiende iew raakde de stad partiottisch gezind. Nao de val vaan Napoleon waor Coevorden ein vaan de wienege plaotse boe de Franse legers tot 1814 achterbleve. In de negentiende en twintegste iew raakde Coevorden ummer mie beteikenis kwiet aon snel greujende dörper wie Asse, Emme en Hoogeveen. In 1998 woort 't groondgebeed oetgebreid mèt de aw gemeintes Dalen, Oosterhesselen, Sleen en Zweeloo.

Externe link[bewirk | brontekst bewerken]

Gemeintes Provincie Drente

Aa en Hunze | Asse | Borger-Odoorn | Coevorden | De Wolden | Emme | Hoogeveen | Meppel | Midden-Drenthe | Noordenveld | Tynaarlo | Westerveld

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Coevorden&oldid=339990"