Tsjèh Tsjèh Tsjèh
Dit artikel is gesjreve (of begós) in 't Wieërts. Laes hie wie v'r mit de versjillende saorte Limburgs ómgaon.
Tsjèh Tsjèh Tsjèh ès 'n band uut Wieërt die vanaaf 2002 meziek maaktj. Oever 't algemein make ze covers met eigetieëdse Limburgse (Wieërtse) tekste. Ouch de covers blieëve neet origineel en meistal ontstaon er "anger-sjemênte" zoas de band 't zelf neumptj.
De band bestieët uut 5 manne en 1 vrâwmes: Jan, Baer, Sjaak, Toeen, Jo en Marie.
In 2003 bracht Tsjèh Tsjèh Tsjèh hun ieërste CD uut met de naam "Hulde aan ut Broeedspaar". Diees CD is uut de handel genoome. Oppe CD stieet un nummer "Weem kint-j ze nog?" oeever Wies Hensen uut Böl die op 30 augustus 1989 es vermoeertj. De femilie vong de tekst kwetsendj en hebbe middels 'nen advokaot de cd uut de handel laote neeme. Ouch moog de tekst neet mieer openbaargemaaktj waere.
Óndanks de financiele strop vör de band es in 2005 de cd "Eigewiees" opgenoome. Op de Limburgse radio L1 es de cd völ gedri'jdj.
'n Geluidsfragmênt: Turnen in Mestreêcht