Toengoeska-explosie

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Lokatie vaan de Toengoeska-explosie
Foto gemaak tijdes de expeditie in 1927

De Toengoeska-explosie is 'n enorm explosie die plaotsvoond op 30 juni 1908 (17 juni volges de Juliaanse kalender) bij de Steinege Revier (Podkamennaja Toengoeska; moderne kraj Krasnojarsk, Rusland). In 'nen umtrèk vaan 30-40 kilometer woorte buim oontworteld. De oorzaak is noets definitief vasgestèld, mer euver 't algemein weurt gedach tot 'ne meteoriet op 'n huugde vaan oongeveer 8 km is oontplof.

Umtot de regio vrijwel oonbewoend is waore d'r hiel wieneg lui die kóste vertèlle wat gebäörd waor. Me weit mer euver ei slachoffer, 'ne rendierherder, dee op 30 km vaan de inslaagplaots 12 meter hoeg 'ne boum is ingebloze. Heer storf later aon zien verwondinge.

Pas in 1927 kaom 'n expeditie aon in 't gebeed. D'r woort geinen inslaagkrater aongetroffe, allein mer buim in 't gebeed vaan 2000 km² die umgevalle waore. Dit duit op 'n explosie in de loch. De Toengoeska-explosie woort ind twintegsten iew 't oonderwerp vaan väöl pseudowetensjappeleke interesse. Väöl lui dachte aon 'n mislökde ufo-landing.

Commons
In de categorie Tunguska event van Wikimedia Commons zeen media gerelateerd aan dit óngerwerp te vènje

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Toengoeska-explosie&oldid=342042"