Tim Krabbé

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Tim Krabbé (1969)

Tim Krabbé (13 april 1943, Amsterdam) is 'ne Noord-Hollandse sjriever en sjaker. Heer heet bis allewijl meh leefs 27 beuk gesjreve, boevaan de bekinsde De Renner oet 1978, Het Gouden Ei oet 1984, De Grot oet 1997 en Een Tafel Vol Vlinders oet 2009 zien. Zien beuk höbbe altied bekind gestande bij zoewie 't publiek veur literatuur en 't publiek veur lectuur. Zie book Het Gouden Ei is beveurbeeld 't mies gekoze beuk door sjaoliere veur 't vak Nederlands in Europa. Mèt 't oonderzeuk deje Bènelux, departemènt Nord en Noordrien-Wesfale mèt. Vaan 1967 bis 1972 betaomde heer, naotot heer 't wèrk es journalis had opgegeve, bis de tweenteg groetse sjakers vaan Nederland. Op 't ind vaan ziene carrière es professionele sjaker had heer al drei beuk gesjreve. Evels zaw 't nog zès jaor däöre (bis 1978) bistot heer 'ne bekènde sjriever in Nederlandstaoleg Europa zaw weure mèt zie book De Renner. Zien femilie steit bekènd es hendeg creatief. Ziene pa en ziene bompa ,Maarten Krabbé en Hendrik Maarten Krabbé, waore bekènde könsteneers, ziene broor Jeroen Krabbé is aktäör en rezjissäör, ziene haafbroor Mirko Krabbé is 'ne bekènden oontwerper en ziene neef (Jeroens zoon) Martijn Krabbé is 'nen hendege bekènde tv-persoenlekheid en prèsentator vaan versjèllende Belzje en Nederlandse pergramma's.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Tim_Krabbé&oldid=352413"