Sluis (gemeinte)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Sluis in Zieland

Sluis (Ziews Sluus) is 'n gemeinte in de Nederlandse provincie Zieland, in 't weste vaan Ziews-Vlaondere, groof-eweg samevallend mèt 't historisch Land vaan Cadzand. 't Oppervlak bedreug 308,41 km² (daovaan 1,94 km² water), 't aontal inwoeners waor 24.408 per 1 juni 2005. De gemeinte is geneump nao 't glieknaomeg historisch stedsje, meh 't raodhoes steit in Oostburg. Ander kèrne zien Aardenburg, Breskens, Cadzand, Eede, Groede, Hoofdplaat, IJzendijke, Nieuwvliet, Oostburg, Retranchement, Sint Kruis, Sint Anna ter Muiden en Zuidzande. Daoneve höbbe 't noorde en weste vaan de gemeinte nog tientalle naobersjappe, die väölal neet awwer zien es negentiende iews en dèks de wónderlekste naome draoge, wie Boerenhol, Nummer Eén, Turkeye en Vuilpan.

De gemeinte is oontstande oet 'nen indeloeze cluster vaan fusies. Oetindelek waor 't de fusie tösse de gemeintes Oostburg en Sluis-Aardenburg op 1 januari 2003 die de gemeinte definitief vestegde.

Veur de veurzeninge is me, zeker sinds 't opheffe vaan 't otoveer tösse Breskens en Vlissinge, aongeweze op 't Belsj, mie bezoonder op Brugge. Umgekierd koume väöl Belzje toeriste de gemeinte bezeuke.

Extern links[bewirk | brontekst bewerken]


Provincie Zieland

Borsele | Goes | Hulst | Kapelle | Middelburg | Noord-Beveland | Reimerswaal | Schouwen-Duiveland | Sluis | Terneuzen | Tholen | Veere | Vlissingen

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sluis_(gemeinte)&oldid=338912"