Sjtille Oceaan

Van Wikipedia
Gank nao: navigatie, zeuke
Kaaet van d'n Sjtille Oceaan

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Besjrieving[bewirk | brontekst bewerken]

D'n Sjtille Oceaan of Grote Oceaan (Ingels: Pacific Ocean) Aafgeleid van de Latiense naam Tepre Pacificum, "Vreedzame Zee", is 'ne oceaan dae lik tösse Oos-Azië, Noord-Amerika, Zuud-Amerika en Australië. D'n oceaan grens in 't noorde aan d'n Noordelikke Ieszee en in het zuuje aan d'n Zuudelikke Oceaan. D'n Sjtille Oceaan is de grótsten oceaan op aerd. Hae haet ein gemiddelde deepde van 4,280 m.[1] en 't deepste punt lik op 10.924 maeter. Hae haet 'n oppervlakte van 165,2 miljoen km², ofwaal 32% van 't aerdoppervlak. Inclusief randjzeeë bedreug de watermassa zelfs 35% van 't totaal aerdoppervlak, twee keer zo groot es de Atlantische Oceaan. De watermassa is óntsjtange nao 't opbraeke van 't supercontinent Pangea.

Gesjiedenis[bewirk | brontekst bewerken]

D'n Oceaan is veur 't eers gezeen door de Sjpaanse óntdekkingsreiziger Vasco Núñez de Balboa in 1513. Van 1519 toet 1522 bevoor de Portugeese óntdekkingsteiziger Ferdinand Magallan de Oceaan. In 1642 óntdekde Abel Janszoon Tasman Tasmanië and Nuuj-Zeelandj en in d'n 18de eew zórgde Franse excursies in Polynesië en de Ingelse mit de drie tochte van James Cook veur 't wiejer óntdekke van d'n Oceaan.

Water[bewirk | brontekst bewerken]

D'n temperatuur van 't water in d'n Sjtille Oceaan löp oedein van ónger 0 °C in de poolgebiede toet óngeveer 29 °C róndj de aeveneer. 't Zaltgehalte löp ouch oedein op de versjillende breitegraode. Naobiej de aeveneer is 't water neet zo zalt es op angere plaatse. Dit kömp door euvervleudige equatoriale raege. Biej de pole is 't water ouch minder zalt, doordet dao neet väöl verdamping van 't water plaatsvinjt. De sjtroumrichting van 't water van d'n oceaan löp euver 't algemein mit de wiezers van de klok mit op 't noordelikke halfrondj, en taege de wiezers in op 't zuujelikke halfrondj.

Vervoeling[bewirk | brontekst bewerken]

Vervoeling op Hawaii

D'r bevinjt zich ein gans groot gebeed mit ein hoog concentratie zee-aafval in de Sjtille Oceaan, det ouch waal kunssjtófarchipel waert geneump.

Referenties[bewirk | brontekst bewerken]

  1. http://www.britannica.com/EBchecked/topic/437703/Pacific-Ocean

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjtille_Oceaan&oldid=342344"