Sjpang
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
'n Sjpang is e saoërt gereedsjap dat gebroekd wert bie 't nieje van beväörbèld klèjjer. Väördat e niejwaerk inèè gezat wert, wert 't örsj gesjpangd. In sommige gevalle wert 't daonao örsj mèt naold en gaan getraocheld of gerege, en daonao pas definitief, mètstens mèt e niejmesjieng, inèè geniejd. Dör örsj te sjpange en te traogele kan good gepaasd werre ieër dat me 't niejt. Ooch bie 't inkórte va breuk, rök of klèdsjes wert örsj d'r zoom gesjpangd.
Sjange werre ooch gebroek bie 't kaantklosse. Hoonderde sjpange werre in 't kaantkloskeuse gesjtaoëke, zoedat dao ömheen de dräöj gelag kènne werre.
Sjpange zeunt circa 2 cm laank en mètstens va sjtaol. Dèk haant ze allewiel 'ne gekleurde kóp va plastic. Sjpange werre bewaard óp e sjpangekeuse.